Mateyu 21:43 - Tonga Bible 1986

⁴³ “Chifukwa chenichi ndikuneniyani, ukwamphulikenge kwaku imwe ufumu waku Chiuta, ndipo upaskikenge ku mtundu wakupasa vipasi vyake. [

Mateyu 21:43 Iomraidhean Croise

Chituwa 19:6

ndipo imwe mukaŵanga ufumu wa ŵazukuru ŵangu ndi mtundu wakupaturika wangu. Yagha ndigho mazu gho ukambenge ku ŵana ŵaku Yisraele.”

Yesaya 26:2

Jurani malikomo, mwakuti mtundu wakurunjika wo usunga chivwanu useremo.

Yesaya 28:2

Ehe, Ambuya ŵe nayo yumoza yo ngwakulimba ndi wanthazi, uli chimphunga cha nya, lirondo lakubwanganduwa, uli nchimphunga cha kulimba, chakusapatiska maji, wakapong'anga pa charu chapasi ndi ukari.

Mateyu 12:28

Kweni asani ine ndituzgiya ŵademone wo mu Mzimu waku Chiuta, iku waza nadi paku imwe ufumu waku Chiuta.

Mateyu 21:41

Ŵamnene, “Waŵanangenge uheni ŵaheni ŵa, ndipo munda wa mphereska wapazgiyenge ku ŵalimi ŵanyake, ŵeniwo ŵamuwezgiyenge vipasi vyo mu nyengo zawo.”

Mateyu 21:42

Yesu watiti kwaku wo, “Kumbi kali kose mundaŵerenge mu malembo: ‘Mwa wo ŵakuzenga nyumba ŵanguwukana, weniwo waŵa mutu wa nyondu: ichi ndi nchitu ya Ambuya. Ndipo nchakuziziswa mu maso ghidu?’

Mateyu 21:44

Ndipo yo wangawapo pa mwa wenuwu watikinyikenge: kweni pakumweniyo umuwiyenge, umuthibuskenge.”]

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

1 ŴaKorinte 13:2

Ndipo asani ndi ndi umchimi, ndipo ndiziŵa mangari ghose ndi mziŵiru wose; asani nde ndi chivwanu chose, viyo kuti ndinganderezga mapiri, kweni chanju ndirive, kuti nde kanthu cha.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;