Mateyu 21:11 - Tonga Bible 1986

¹¹ Ndipo yanenanga mizinda yo, “Uyu ndi mchimi Yesu, waku Nazarete waku Galilie.”

Mateyu 21:11 Iomraidhean Croise

Mateyu 2:23

Ndipo wanguza ndi wanguja mu muzi wakuzumbulika Nazarete: viyo kuti lifiskike nenedu la ŵamchimi, kuti, “Wazumbulikenge mu Nazarene.”

Mateyu 21:10

Ndipo wati wasere iyo mu Yerusalemu, msumba wose unguyaghayika, wakuti, “Njani uyu?”

Mateyu 21:26

Kweni asani tititi, ‘Kutuwa ku ŵanthu’; titopa mzinda wo; chifukwa wose ŵe nayo Yohane nge ndi mchimi.”

Mateyu 21:46

Ndipo pakupenja kuti ŵamuko, ŵangopa mizinda yo, pakuti yenga nayo nge ndi mchimi.

Marko 6:15

Ŵanyake ŵanguti, “Ndi Eliya.” Ndipo ŵanyake ŵanguti, “Ndi mchimi, nge njumoza wa ŵamchimi,”

Luka 13:33

Mbwenu kutindenere kujende le ndi mawa ndi mawaliya: pakuti kungaŵa cha kuti mchimi wanangikiye kubwaro ku Yerusalemu.’

Luka 24:19

Ndipo wanguti kwaku wo, “Vinthu uli?” Ndipo iwo wangumunene, “Vyapaku Yesu waku Nazarete, mweniyo wenga munthu mchimi wanthazi mu nchitu ndi mu mazu paurongo paku Chiuta ndi khamu lo lose.

Luka 7:16

Ndipo chopu chinguŵako wose, ndipo ŵakankhuskanga Chiuta, ŵakuti, “Mchimi mura wayuka mwidu: ndipo, Chiuta walingiyapo pa khamu lake.”

Luka 7:39

Kweni wachiwona vyenivyo muFarisi yo wangumdana, wangunena mwaku yija, kuti, “Mwenuyu, asani wenga mchimi, mphanyi wanguziŵa njani ndi ngwakutinji yo munthukazi mweniyo watumkwaska, kuti ngwakulakwa.”

Yohane 1:21

Ŵangumfumba, “Na uli? Kumbi ndiwe Eliya?” Ndipo wali, “Kuti ndine iyo cha.” “Kumbi ndiwe mchimi?” Ndipo wangwamuka, “Awa!”

Yohane 1:25

Ndipo wangumfumba, “Na ubatiziyanji asani iwe kuti ndiwe Kristu cha, chingana ndi Eliya chingana ndi mchimi yo?”

Yohane 4:19

Wamnene munthukazi, “Ambuya ndiwona kuti mwe mchimi imwe.

Yohane 6:14

Viyo ŵachiwona wo ŵanthu chisimisimi cho wanguchita, ŵatinge, “Nadidi, mwenuyu ndi mchimi yo watuza mu charu.”

Yohane 7:40

Ŵamu mzinda pakuvwa mazu gho ŵatinge, “Nadidi, mwenuyu ndi mchimi yo.”

Yohane 9:17

Viyo ŵangumfumba wachiburumutiya, “Iwe utitinji ndi iyo, po wabanuwa maso ghako?” Iyo wanguti, “Ndi mchimi.”

Machitidu gha Ŵakutumika 7:37

Mwenuyu ndi Mosese yo wanguti ku ŵana ŵaku Yisraele, ‘Chiuta wamkukuyuskiyani mchimi wamu ŵabali ŵinu, uli ndimo Wanguyuskiya ine.’