Mateyu 2:23 - Tonga Bible 1986

²³ Ndipo wanguza ndi wanguja mu muzi wakuzumbulika Nazarete: viyo kuti lifiskike nenedu la ŵamchimi, kuti, “Wazumbulikenge mu Nazarene.”

Mateyu 2:23 Iomraidhean Croise

Maŵerengedu 6:13

“Ndipo muNaziri wavwiye dangu ili, asani ghamara mazuŵa ghakujipatuwa kwake; watoreke ku khomo la hema lakuwungagamo,

Mateyu 1:22

Ndipo ichi chose chaŵapo, alinga kuti ghafiskike gho Ambuya akukamba mu mchimi yo, kuti,

Mateyu 21:11

Ndipo yanenanga mizinda yo, “Uyu ndi mchimi Yesu, waku Nazarete waku Galilie.”

Mateyu 26:71

Ndipo wati watuliya kubwaro ku likomu, munthukazi munyake wangumuwona, ndipo watiti kwaku wo ŵenga kweniko, “Mwenuyu nayo wenga pamoza ndi Yesu waku Nazarete.”

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Marko 1:9

Ndipo kunguŵa mu mazuŵa ghenigho Yesu wangutuwa ku Nazarete waku Galile, wangubatizika ndi Yohane mu Yordane.

Luka 1:26

Kweni mu mwezi wo wachinkhonde ndi chimoza mungelo yo Gabriele wangutumika ndi Chiuta ku muzi waku Galile, zina lake Nazerete

Luka 18:37

Ndipo ŵangumunene kuti ndi “Yesu waku Nazarete yo watukapo.”

Luka 2:39

Ndipo penipo ŵangufiska vyose vya mwa dangu la Mbuya, ŵanguwere ku Galile, ku muzi wawo Nazarete.

Yohane 18:5

Ŵangumwamuka, “Yesu waku Nazarete.” Yesu wanguŵanene, “Ndine.” Ndipo Yuda nayo, mphachi yo, wamanga pamoza nawo.

Yohane 18:7

Wanguŵafumba so, “Mulembe yani?” Iwo ŵanguti, “Yesu waku Nazarete.”

Yohane 19:19

Pilato wangulemba lembedu nalo, ndipo ŵanguliŵika pa mphinjika yo. Kungulembeka, YESU WAKU NAZARETE, KARONGA WA ŴAYUDA.

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

Ŵeruzgi 13:5

pakuti nadi, ukaŵanga ndi nthumbo ndi upapenge mwana munthurumi. Pakaŵangavi lwembe lo likazanga pa mutu wake, chifukwa munyamata yo wakaŵanga muNaziri kwaku Chiuta kwamba pa kawi; ndipo wambenge kuwombo Yisraele ku janja la ŵaFilisti.”

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”