Mateyu 2:13 - Tonga Bible 1986

¹³ Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Mateyu 2:13 Iomraidhean Croise

1 ŴaKaronga 11:17

Kweni Hadadi wanguthaŵiya ku Egipiti, pamoza ndi ŵanyake ŵa ŵaEdomu ŵaŵanda ŵa awiske. Hadadi wenga mwana mumanavi.

1 ŴaKaronga 3:5

Pa Gibeoni Ambuya angumuwoneke Solomoni mu loto ndi usiku: ndipo Chiuta wanguti, “Upemphe chenicho ndikupaskenge?”

Jobu 33:15

Mu roto, mu chiwona chaku usiku, penipo tulu tukuru tituŵako ŵanthu, penipo ŵasiwa pa vita vyawo,

Jobu 33:17

mwakuti wamutuzgeko munthu ku nchitu yake, ndi kutuzgako kujikuzga ku munthu;

Chituwa 1:22

Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”

Mateyu 1:20

Kweni powenga weche kughanaghana ndi ichi, wonani, mungelo wa Ambuya wangumwoneke mu loto, wakuti, “Yosefe, mwana waku Davidi, ungopanga cha kumto Mariya muwoli wako; chifukwa cho chazuwuka mwake nchaku Mzimu Wakupaturika.

Mateyu 10:23

Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.

Mateyu 2:12

Ndipo pakucheŵeskeka mu loto kuti ŵareke kuwere so kwaku Herode, ŵangukiya mu nthowa yinyake kuwere ku charu chawo.

Mateyu 2:14

Ndipo wachiyuka iyo wanguto mwana ndi anyina ndi usiku ndi ŵanguruta ku Egipiti,

Mateyu 2:16

Herode, pakuwona kuti wapusikika ndi ŵaukwi, wangukaripa ukongwa, ndipo wangutuma ndi wangukoso ŵana ŵanthurumi wose mu Betelehemu ndi mu mphaka zake zose, ŵa virimika viŵi ndi pasi pake, kwakulingana ndi nyengo yo ŵanguziya ŵaukwi wo.

Mateyu 2:22

Kweni pakuvwa kuti Arkelao wausanga mu Yuda mu malo ghaku Herode awiske, wangopa kuya kweniko; kweni pakuchenjezgeka mu loto, wangulazgiya ku mphaka za Galile.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 10:7

Ndipo wachiruta mungelo yo wangurongoro nayo, wangudana ŵaŵi ŵa ŵamunyumba yake, ndi wankhondo msopa, waku wo ŵamlindanga rutaruta;

Machitidu gha Ŵakutumika 12:11

Ndipo pakuzizimuka Petro watinge, “Sono ndiziŵiska kuti Mbuya watuma mungelo wake, ndipo wanditaska mu janja laku Herode, ndi ku chilereze chose cha khamu la ŵaYuda.”

Machitidu gha Ŵakutumika 12:7

Ndipo wonani, mungelo wa Mbuya wanguma pake, ndi kungweruka kunguŵaliya mu ulinda. Ndipo wati wapamantha liŵaghara laku Petro, wangumyuska, wakunena, “Soka ruŵi!” Ndipo maunyoru ghangudeuka ku manja ghake.

Machitidu gha Ŵakutumika 16:36

Ndipo mlinda-mikoli wangukonkhome mazu gho kwaku Paulo, kuti, “Ŵeruzgi ŵatuma kuti mufwatulike: viyo sono tuwani, ndi murute mu chimangu.”

Machitidu gha Ŵakutumika 5:19

Kweni mungelo wa Ambuya ndi usiku wangujurako ku makhomo gha ulinda wo, ndipo wati waŵarongozge kubwaro wanguti,

Machitidu gha Ŵakutumika 7:19

Mweniyo, pakuchitiya fuku lidu uchenjezi, wanguchitiya auskefwe uheni, kwachitayiska malitema ghawo kuti ghangasungika ghamoyo cha.

Yoswa 3:13

Ndipo kuŵenge kuti po marundi gha ŵazukuru ŵakunyamuwa bokosi la Ambuya (Ambuya ŵa charu chose chapasi), ghakapumuwanga mu maji ghamu Yordane, maji gho ghakarekanga kwenda, ndipo maji ghakusika kutuwa kenena ghakamanga ndundu pamoza.”

Yoswa 3:17

Ndipo penipo ŵaYisraele wose wambukanga pa mtunda uyumu, ŵazukuru wo ŵangupinga bokosi la phangano la Ambuya ŵanguma pa mtunda uyumu mukati mu Yordane mpaka mtundu wose ungumara kwambukiya ku sirgha kwa Yordane.

Yoswa 4:10

Pakuti ŵazukuru wo ŵangunyamuwa bokosi ŵanguma mukati mu Yordane, mpaka penipo vyose vyo Ambuya angulanguliya Yoswa kunene ŵanthu vingufiskika, kwakuyana ndimo Mosese wangulanguliya Yoswa. Ŵanthu ŵangwambuka kwakuthaŵiriya;

Yoswa 4:18

Ŵazukuru ŵakunyamuwa bokosi la phanganu la Ambuya ŵanguti ŵatuwa mukati mu Yordane, ghanguti ghakanda pa mtunda uyumu marundi ghawo, maji gha Yordane ghanguwere mu malo ghake ndi ghangusapatiya ku sirgha ndi sirgha nge mphakudanga.

Chivumbuzi 12:14

Ndipo kungupskika ku munthukazi yo mapapiku ghaŵi gha nombo yikuru, kuti waphururukiye ku bozwa, ku malo ghake, kweniko wakalerekanga kwaka nyengo, ndi zinyengo, ndi nusu ya nyengo, kutuwapo pa njoka yo.

Chivumbuzi 12:4

Ndipo mchiya wake waguzanga chigaŵa chachitatu cha nyenyezi za kuchanya, ndipo unguzipong'a pa charu. Ndipo nchalinda yo wanguma paurongo pa munthukazi, yo wakhumbanga kupapa, alinga kuti wachipapa warghe kana kake.

Chivumbuzi 12:6

munthukazi iyo wanguthaŵiya ku bozwa, kweniko wenga ndi malo ghakurongosoleka ndi Chiuta, kuti wamuhiŵiye kweniko mazuŵa chikwi ndi machumi pe chumi ghaŵi ndi machumi ghankhonde ndi limoza (1,260).