Mateyu 19:9 - Tonga Bible 1986

⁹ Ndipo ndikuneniyani kuti yose yo wangapata muwoli wake, kwambura kuti mpha ureŵi ndi wato munyake, wachita ureŵi; ndipo wakuto wakupatika nayo wachita ureŵi.”

Mateyu 19:9 Iomraidhean Croise

Chiyambo 20:3

Kweni Chiuta wanguza kwaku Abimeleke mu tulo ndi usiku, ndi wanguti kwaku iyo, “Awona, we munthu wakufwa chifukwa cha munthukazi mweniyo wato, chifukwa ndi muwoli wa munthurumi munyake.”

2 Mikoka 21:11

Ndipo so napu wanguzenga so malo gha pachanya mu mapiri ghaku Yuda, wanguchitiska ŵamu Yerusalemu kuchita ureŵi ndi kuchichizga ŵaYuda kuti nawo ŵachitenge viyo pe.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yeremiya 3:8

Wanguwona kuti chifukwa maureŵi ghake ghose Yisraele, wambura magomekezgeka yuwa ndingumudikiska ndi kumupaska karata wa chipata; kweni ndipuuli Yuda mzichi wake phula kuti wangopa cha, iyo nayo wanguruta kwachichita maureŵi.

Ezekiele 16:15

“Kweni iwe ungugomekezga mu utozi wako, chifukwa cha mbiri yako unguchita ureŵi, ungujipereka ku maureŵi ghako ndi munthu we yose yo wangujumphapo.

Ezekiele 16:29

Ungwandaniska ureŵi wako ndi charu cha maronda cha Kaldiya; ndipo nanga ndi mwaku yaŵa nawo kuti ungukhorwa cha.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Mateyu 19:10

Ŵasambizi ŵamunene, “Asani che viyo chifukwa cha munthu ndi muwoli wake; iku kuti nkhwamampha cha kuto.”

Mateyu 19:8

Watiti kwaku wo, “Po chifukwa cha unononu winu wamtima Mosese wanguzomerezga imwe kupata ŵawoli ŵinu: kweni kutuwa ku mtendeku kuti kwaŵa viyo cha.

Mateyu 5:32

Kweni ine ndikuneniyani, kuti yose wakupata muwoli wake kwambura kuti mpha chifukwa cha ureŵi, wamuchitiska kureŵa: ndipo yose yo wangamto wati wapatika, wareŵa.

Luka 16:18

“Yose wakupata muwoli wake ndi wakuto munyake wachita ureŵi: ndipo yose wakuto wakudikika ndi mrumi wake wachita ureŵi.

1 ŴaKorinte 5:1

Nadidi kuvwika kuti mwinu mwe ureŵi; ureŵi wakuti chingana ndi mu ŵamtundu kuti ulipo wa viyo cha, kuti munthu walakwenge ndi muwoli wa awiske!

1 ŴaKorinte 7:39

Munthukazi wamangika nyengo yose po weche wamoyo mrumi wake; kweni asani wafwa mrumi wake ndi mwanangwa kuŵirwa kwaku yo wakhumba malinga ndi nthengwa ya mu wanasi wa Ambuya.

1 ŴaKorinte 7:4

Kuti munthukazi ngwamtufu pa liŵavu lake cha, kweni mrumi wake: ndipo kwakulingana munthurumi nayo kuti ngwamtufu pa liŵavu lake cha, kweni muwoli wake,