Mateyu 18:3 - Tonga Bible 1986

³ Wanguti, “Inyadi ndikuneniyani, kwambura kuti mung'anamuka, ndi mutuŵa nge mbanamana, kuti muserenge mu ufumu wa kuchanya cha.

Mateyu 18:3 Iomraidhean Croise

Sumu 131:2

Kweni ndazikiska ndi kuchetamiska mzimu wangu, nge ndimo mwana wachetamiya pa chifuŵa cha nyina.

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Mateyu 13:15

Chifukwa watutuŵa mtima wa khamu lenili, ndipo makutu ghawo ghatuvwa chizituzitu, ndi maso ghawo ŵajara; vinu kokuli ŵangathoŵa ndi maso ghawo, ŵangapulikizga ndi makutu ghawo, ndipo ndi mtima wawo ŵangawamo, ndi ŵangang'anamuka ndipo ndingaŵachizga.’

Mateyu 18:2

Ndipo Yesu, wakudana kana, wangukajarika mukati mwawo.

Mateyu 18:4

Viyo yose wakujiyuyuwa nge nkhana yaka ndi mura mu ufumu wa kuchanya.

Mateyu 19:14

Kweni wanguti Yesu, “Tirekeni twana, mungatukanizganga cha kuza kwaku ine; chifukwa ngwa twaviyo ufumu wa kuchanya.”

Mateyu 19:23

Ndipo Yesu wanguŵanene ŵasambizi, “Nadidi ndikuneniyani, nkhwaunononu msambasi kusere mu ufumu wa kuchanya.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Mateyu 5:20

Chifukwa ndikuneniyani, kuti, kwambura kuti urunji winu ungaruska wo wa ŵalembi ndi ŵaFarisi, kuti mwamsere mu ufumu wo wa kuchanya cha.

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:2

“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Mateyu 6:5

“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”

Luka 13:24

“Limbalimbani kusere mu khomo lifinyi; pakuti ŵanandi, ndikuneniyani ŵamkhumba kuseremo, ndipo kuti ŵaŵenge ndi nthazi cha.

Luka 22:32

kweni ine ndinguŵeyerere paku iwe, alinga kuti chingapereŵe cha chivwanu chako; ndipo iwe, utakuti wang'anamuka, khozganga ŵabali ŵako.”

Yohane 1:51

Ndipo wangumnene, “Nadidi, ndikuneneskiyani, muwonenge kuchanyakujurika, ndi ŵangelo ŵaku Chiuta ŵakwera ndi kusikiya pa Mwana wa munthu.”

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Machitidu gha Ŵakutumika 28:27

Chifukwa mtima wa khamu lenili watutuŵa, ndipo ndi makutu ghawo ŵatuvwa chizituzitu, ndipo maso ghawo ŵasizimiya; vinu akhumba ŵangawona ndi maso ghawo, ndi ndi makutu ghawo ŵangavwa, ndipo ndi mtima ŵangawamo, ndipo ŵangang'anamuka, ndipo ine ndingaŵachizga.’

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

1 Petro 2:2

nge mbamjedu ŵakuwa sono, fwenkhiyani mkaka wo wamzimu wambura jufyu, alinga kuti mwaku weniwo mukuliyenge ku utaski,

2 Petro 1:11

chifukwa viyo kakuskikiyengeko kwaku imwe kwakusambasa kasereredu kamu ufumu wamuyaya wa Ambuyafwe ndi mtaski Yesu Kristu.