Mateyu 15:8 - Tonga Bible 1986

⁸ ‘Khamu ili litinditumbika ndi milimo yawo; kweni mtima wawo we kutari kwaku ine.

Mateyu 15:8 Iomraidhean Croise

Nthanthi 23:26

Wa mwana wangu, undipaske mtima wako, ndipo ughachite maso ghako ghateske nthowa zangu.

Yesaya 29:13

Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;

Yeremiya 12:2

Imwe mutuŵapanda, ndipo iwo ŵathaza; ŵakuwa ndi ŵapasa chipasi; imwe mwe pafupi mu mlomo wawo ndipo mwe kutali ndi mtima wawo.

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

Mateyu 15:7

Mwafuzi mwe, Yesaya wanguloske imwe umampha, wakuti,

Marko 7:6

Ndipo wanguŵanene, “Yesaya wanguloske umampha ndi imwe mwafuzi, uli ndi mo kwalembeke, ‘Khamu lenili litindirumba ndi milomo yawo, kweni mtima wawo we kutari ndi ine.

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Machitidu gha Ŵakutumika 8:21

Kuti we nacho iwe cha chigaŵa pamwenga mphenduzga mu mazu yagha: chifukwa mtima wako ulive kurunjika paurongo paku Chiuta.

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

1 Petro 3:10

Chifukwa, “Yo watanja umoyo, ndi wakhumba kuwona mazuŵa ghamampha, warekeske lilime lake ku uheni, ndi milomo yake kuti yingaŵereŵeta cha urghargha;