Mateyu 15:4 - Tonga Bible 1986

⁴ Chifukwa wangukamba Chiuta ‘Tumbika ausu ndi anyoko’; ndipo ‘Wakukambiya uheni pa wiske pamwenga nyina, kufwa wafwe.’

Mateyu 15:4 Iomraidhean Croise

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Chituwa 21:17

“We yose wakutemba awiske pamwenga anyina, wabayikenge.

Nthanthi 20:20

Asani munthu watemba wiske pamwenga nyina, nyali yikazimwikanga mu munkhorwe.

Nthanthi 23:22

Tegherezga ku usu mweniyo wangukupapa, ndipo reka kunyoza nyoko penipo wakota.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

ŴaLevi 20:9

Pakuti we yose wakutemba wiske pamwenga nyina wakabayikanga, chifukwa watemba wiska pamwenge nyina, ndopa zake zepa mutu wa mweneko.

Mateyu 15:3

Kweni, wakwamuka, wangunena nawo, “Chifukwa chine imwe namwe mujumpha langulu laku Chiuta ndi mdauku winu?

Mateyu 15:5

Kweni imwe mutiti, ‘Yose yo wanganene awiske pamwenga anyina, Cho mwatinge mwanduwenge imwe kwaku ine chapaskika kwaku Chiuta; kuti watumbika awiske cha.’

Mateyu 19:19

tumbika ausu ndi anyoko; ndipo wanjenge munyako uli ndiwe wamweni.”

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

ŴaRoma 3:31

Viyo ndi chivwanu tiwayuwa chilangulu kumbi? Kungaŵanga viyo cha! Kweni tikhozga chivwanu.

ŴaEfeso 6:1

Mwaŵana, vwiyani ŵapapi ŵinu muMbuya: chifukwa chenichi nchakurunjika.

Marangu 27:16

“ ‘Watembeke yo wayuyuwa wiske pamwenga nyina.’ Ndipo ŵanthu wose wanenenge, ‘Ameni.’

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.