Mateyu 13:11 - Tonga Bible 1986

¹¹ Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Mateyu 13:11 Iomraidhean Croise

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 29:11

Ndipo chiwona chaku vyose ivi chaŵa kwaku imwe nge ndi mazu gha buku lo likuzighirika. Penipo ŵanthu ŵatilipaska kwaku yo wangaŵerenga, kuti, “Ŵerenga ichi,” iyo watiti, “Ndingaŵerenga cha, pakuti likuzighirika.”

Yesaya 35:8

Ndipo gurwi mukuru wakaŵanga kwenikuwa, ndipo ukadanikanga Nthowa Yakupaturika; ŵaukazuzi kuti ŵakendangamo cha, ŵabereŵeza kuti ŵakalakwiyangamo cha.

Mateyu 13:10

Ndipo ŵanguza ŵasambizi, ŵangunena nayo, “Chifukwa chine murongoro kwaku wo mu zintharika?”

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Mateyu 19:11

Kweni iyo wanguŵanene, “Kuti wose ŵangaronde mazu yagha cha, kweni kwaku ŵeniwo pe kwapaskika.

Mateyu 20:23

Waŵanene, “Nkhombo yangu mu mwenge, kweni kuja ku marghe kwangu ndi kumaze, kuti nkhwaku ine cha kupaska kweni kwaku wo kwaŵarongosoleke ndi Ada.”

Marko 10:40

Kweni kuja ku marghe ghangu pamwenga ku maze kuti nkhwangu cha kupaska, kweni kwaku ŵeniwo kwaŵarongosoleke.”

Marko 4:11

Ndipo waŵaneniyanga, “Kwaku imwe kupaskika mangari gho gha ufumu waku Chiuta: kweni kwaku ŵa ŵakubwaro vinthu vyose vituŵaŵiya mu zintharika:

Luka 8:10

Ndipo iyo wanguti, “Kwaku imwe kwapaskika muziŵa mangari gha ufumu waku Chiuta: kweni ku ŵanyake uneneka mu zintharika, alinga kuti pakulereska ŵangawona cha, ndi pakuvwa ŵangaŵamo cha.

Yohane 6:65

Ndipo watinge, “Chifukwa chenichi ndakuneniyani, kuti waziŵa yumoza kuza kwaku ine cha kwambura kuti kwapaskika kwaku iyo ndi Dada.”

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

Machitidu gha Ŵakutumika 16:14

Ndipo munthukazi yumoza, zina lake Ludia, yo wasaskanga vyaropa, wa muzi waku Thiatira, wakusopa Chiuta, ndiyo wativwanga: mtima waku mweniyo Ambuya angujura, kuti waphwere vyo vyakambikanga ndi Paulo.

ŴaRoma 11:25

Chifukwa, mwa ŵabali, kuti ndikhumba mureke kuziŵa mangari yagha cha (vinu mungaŵa ŵakujirumba), ghakuti chinononu chawiya Yisraele yo ku rwandi,

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

1 ŴaKorinte 13:2

Ndipo asani ndi ndi umchimi, ndipo ndiziŵa mangari ghose ndi mziŵiru wose; asani nde ndi chivwanu chose, viyo kuti ndinganderezga mapiri, kweni chanju ndirive, kuti nde kanthu cha.

1 ŴaKorinte 15:51

Awonani, ndikukambiyani mangari. Tose kuti tamura cha, kweni tamsanduskika,

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

1 ŴaKorinte 2:7

kweni tirongoro zeru yakubisika yaku Chiuta, yeniyo yenga yindaŵepo migonezi, Chiuta wanguteme limu ku unkhankhu widu.

1 ŴaKorinte 4:1

Viyo munthu watipimiye nge mbateŵeti ŵaku Kristu, ndi ŵalindanyumba ŵa mangari ghaku Chiuta.

1 ŴaKorinte 4:7

Chifukwa njani yo wawona kupambana kwinu? Ndipo we ndi chine iwe cho ulive kuronde? Kweni asani ukuchita kuronde, utumbwiyanji na nge kuti nchawanangwa cha?

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaEfeso 1:9

pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti,

ŴaEfeso 5:32

Ungari uwu ngukuru: kweni ine ndikamba Kristu ndi eklesiya lo.

ŴaEfeso 6:19

ndi pa chifukwa chaku ine, kuti kwaku ine ghapaskike mazu kubanuwa mlomo wangu, kuvumbuwa ndi chiganga mangari gha evangeli,

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

1 Timote 3:9

wakuŵa ndi mangari gha chivwanu cho mu njuŵi yikhovu.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

1 Yohane 2:20

Ndipo imwe mwe ndi chitukutizga chakutuliya ku Wakupaturika yo, ndipo muziŵa vyose.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.