Mateyu 11:5 - Tonga Bible 1986

⁵ ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Mateyu 11:5 Iomraidhean Croise

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 5:7

Ndipo penipo karonga waYisraele wanguŵerenga karata yuwa, wanguparuwa vyakuvwara vyake, wanguti, “Kumbi ine ndine Chiuta, wakubaya ndi wakupaska umoyo, po uyu munthu watuma mazu kwangu kuti ndichizge munthu ku makhate ghake? Kweni wonani, mukasaniyanga kuti wapenja mo wangarwiyana ndi ine.”

Sumu 146:8

Ambuya ajura maso gha ŵachiburumutiya. Ambuya asoska wose ŵakujiyuyuwa, atanja ŵakurunjika.

Sumu 22:26

Ŵakusuzgika ŵarghenge, ŵagu tenge; wo ŵatimupenja ŵarumbenge Ambuya! Mitima yinu yije ndi umoyo muyaya!

Chituwa 4:11

Sono Ambuya anguti kwaku iyo, “Njani yo wakuchita mlomo wa munthu? Njani watumuchita kuŵa wambuwu pamwenga mgota, pamwenga kulereska, pamwenga uchiburumutiya? Kuti ndine Ambuya cha?

Yesaya 29:18

Mu zuŵa liya ŵamgota ŵakavwanga mazu gha buku, ndipo kutuwa mu munkhorwe wawo ndi mu mdima maso gha ŵachiburumutiya ghakalereskanga.

Yesaya 29:19

Ŵakuzika ŵakarondanga chimwemwe chifya mu Ambuya, ndipo ŵasauchi mukati mu ŵanthu ŵakakondwanga mu Mtuŵa Yumoza yo waku Yisraele.

Yesaya 43:8

Uŵatuzge ŵanthu wo mba chiburumutiya, kweni maso ŵe nagho, wo mbamugota, kweni makutu ŵe nagho!

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Zekariya 11:7

Viyo ndinguŵa mliska wa mskambu wo wamubayikiya wo ŵagulananga mberere. Ndipo ndingujitore ndodo ziŵi; yimoza ndinguyidana Wezi, yinyake Kurungana. Ndipo ndaliskanga mberere.

Mateyu 10:8

Chizgani ŵakutama, ŵakufwa yuskani, ŵamakhate tozgani, ŵademone tuzgani. Kwawezi mwaronde, kwawezi paskani.

Mateyu 11:4

Ndipo yesu wangwamuka ndi wanguŵanene, “Kaninga kamtauliyeni Yohane vyo mutuvwa ndi muwona;

Mateyu 12:13

Sono watiti kwaku yo munthu, “Tambaruwajanja lako.” Ndipo wangulitambaruwa; ndipo linguweremu lanthazi nge ndi linyake.

Mateyu 21:14

Ndipo ŵanguza kwake mu kasopi ŵachiburumutiya ndi ŵakuganthiya; ndipo wanguŵachizga.

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Mateyu 9:30

Ndipo ghangujurika maso ghawo. Ndipo wanguŵachenjezga Yesu, wakuti, “Alereni kuti wangachiziŵa ichi yumoza cha.”

Marko 7:37

Ndipo ŵazizwanga ukongwa limu ŵatinge, “Vyose wachita urusu; ŵamgota wati ŵasanduska ŵakuvwa, ndipo ŵambuwu ŵarongoro.”

Marko 9:25

Ndipo Yesu wachiwona kuti mzinda uchimbiriya pamoza, wanguchenya mzimu wo wawiyu, wakunena nawo, “Mzimu wambura kurongoro ndi wamgota we, ndikulanguliya, tuwamo mwake, ungaserengamo so cha.”

Luka 4:18

“Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Yohane 10:25

Yesu wanguŵamuka, “Ndakuneniyani, ndipo kuti muvwana cha; nchitu zo ndichita ine mu zina la Ada, zenizo zitindisimikizgiya;

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 2:23

Ndipo penipo wenga mu Yerusalemu pa phaska, ŵanandi ŵanguvwana mu zina lake, ŵachithoŵa visimikizgu vyo wachitanga.

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 5:36

Kweni ine nde nawo ukaboni mwakundamweni ukuruku kwakuruska wo waku Yohane; chifukwa nchitu zo Dada wandipaska kuti ndifiske, nchitu zo ine ndichita, zenizo zisimikizgiya ine, kuti Dada wandituma.

Yohane 9:7

kwaku iyo wanguti, “Kanga, kasambe mu chiziŵa chaku Siloama” (lo ling'anamuka, wakutumika). Viyo wanguruta, wangwachisamba, ndipo wanguwe wakulereska.

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?