Marko 8:34 - Tonga Bible 1986

³⁴ Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Marko 8:34 Iomraidhean Croise

1 ŴaKaronga 14:8

ndinguparuwa ufumu ku nyumba yaku Davidi kuwupaska kwaku iwe; kweni kuti waŵa nge ndi mteŵeti wangu Davidi cha, mweniyo wangusunga malangulu ghangu, ndipo wangundirondo ndi mtima wake wose, kuchita urunji pe mu maso ghangu nyengo yose.

Maŵerengedu 14:24

Kweni mteŵeti wangu Kalebe, chifukwa wendi mzimu unyake ndipo wandilondo ine kwakufikapo, iyo nkhamutoliyanga mu charu cho wanguyamo, ndipo mphapu yake yikachiharanga.

Mateyu 10:38

Ndipo yose yo wareka kujitole mphinjika yake ndi kurondo ine, kuti ngwakwenere ine cha.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 27:32

Ndipo ŵachituwa ŵangusaniya munthu mKurene, zina Simone: ŵangumkakamizga mweniyo kuti wanyamuwe mphinjika.

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 7:14

Ndipo wangudana so mzinda wo, wanguti, “Ndivwiyeni mose ndi wanimo:

Luka 13:24

“Limbalimbani kusere mu khomo lifinyi; pakuti ŵanandi, ndikuneniyani ŵamkhumba kuseremo, ndipo kuti ŵaŵenge ndi nthazi cha.

Luka 14:33

Viyo ndimo yose mwaku imwe yo wareka kujipatiya vyose vyo wenavyo, kuti wangaziŵa cha kuŵa msambizi wangu.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 20:45

Ndipo penipo nkhamu lose lategherezganga, Yesu wanguti ku ŵasambizi ŵake,

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Yohane 19:17

Ŵangumrondo Yesu; ndipo wakujipingiya mphinjika yake, wangutuliya ku malo ghakuzumbulika Ghabwaza, ghenigho mu chiHebere ghazumbulika, Golgota.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

ŴaRoma 6:6

pakuziŵa chenichi, kuti unthu widu wakali ungupayikikiya pamoza nayo, alinga kuti liŵavu lo la ulakwi liwayulike, viyo kuti tireke ifwe kuŵa so ŵaŵanda ku ulakwi;

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

1 ŴaKorinte 15:31

Ndirapa mu kujikuzga ko ndenako mwinu mwa ŵabali, ndiko nde nako mwaku Kristu Yesu Ambuyafwe.

1 ŴaKorinte 8:13

viyo, asani chakurgha chitumguŵiska mbali wangu, kuti nkharghanga cho cha muyaya, alinga kuti ndireke kumguŵiska mbali wangu.

1 ŴaKorinte 9:19

Chifukwa pakuŵa mwanangwa kwaku wose, ndajisanduska muŵanda kwaku wose, alinga kuti ndanduwe ŵanandi.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaGalatia 5:24

Ndipo ŵeniwo mbaku Kristu Yesu ŵapayika nyama pamoza ndi maulakalaka ndi malikhumbira ghake.

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

ŴaFilipi 3:10

kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake,

ŴaFilipi 3:7

Kweni vyo vyose vingundiŵiya vyanduwu, ndavyesa chitayiku chifukwa chaku Kristu.

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

2 ŴaTesalonika 3:11

Chifukwa tituvwa kuti ŵanyake mbakwendaenda mwaku imwe kwaukata wakutata mlimu cha, kweni wamwendanatu.

Tito 2:12

wakutirunguhizga kuti pakukana uwura uwopa Chiuta ndi malikhumbira gha charu, tijariyenge umoyo kwavinjeru ndi kwaurunji ndi kwauwopa Chiuta mu mgonezi wasono,

ŴaHebere 13:13

Viyo nafwe tituliye kubwaro ku ugoŵi ŵakupinga tozu lake.

1 Petro 4:1

Viyo mwakuti Kristu wangukomwe mu liŵavu, namwe so jiphatiyeni ndi kapimidu keniko ndiko (pakuti mweniyo wakomwa mu liŵavu warekeko ku ulakwi);

1 Petro 4:13

kweni uli mphenipo musanganiya vyakukomwa vyaku Kristu kondwani; alinga kuti mu uvumbuzi wa unkhankhu wake, mumwemwetiyenge kwakukondwa.

2 Petro 1:14

pa kuziŵa kuti nyifwa yaliŵavu langu ye pafupi, uli ndimo so Ambuyafwe Yesu Kristu wangundirongole.

1 Yohane 3:16

Mwaku chenichi tiziŵiya chanju, mwakuti Yuwa wanguŵikiya pasi umoyo wake pa chifwa chidu: ndipo titenere ifwe kuŵikiya pasi maumoyo ghidu pa chifwa cha ŵabali wo.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.