Marko 8:33 - Tonga Bible 1986

³³ Kweni iyo wangung'anamuka, ndi wakuwona ŵasambizi ŵake, wangumuchenya Petro, wanguti, “Kanga kuvuli kwangu, Satana; chifukwa kuti usuŵiriya vyaku Chiuta cha, kweni vya ŵanthu.”

Marko 8:33 Iomraidhean Croise

2 Samuele 19:22

Kweni Davidi wanguti, “Ndenamwe ndi kanthu uli imwe, mwa ŵana ŵaku Zeruya kuti msana wale muŵi nge ngwakupindikana nane? Kumbi munthu wangabayika mu Yisraele msana wale? Kumbi kuti ndiziŵa cha kuti zuŵa lino nde karonga pa ŵaYisraele?”

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

Sumu 141:5

Munthu wamampha wandilange ndi kundichenya mwa ulemu, kweni kuti ndizomerezgenge muheni kundipaka mafuta ku mutu cha, chifukwa nyengo yose ndirombe pa nchitu zawo ziheni.

ŴaLevi 19:17

“Mungatinkhanga mwana munyinu mu mtima winu cha, kweni mukambiskanenge kwakujarikana umampha ndi muzengezgani winu, vinu mungatopo ulakwi chifukwa chake.

Mateyu 15:23

Kweni iyo kuti wangumwamuka mazu cha. Ndipo ŵasambizi ŵake ŵanguza kumenene kuti, “Mudikeni; pakuti wakambura pavuli pidu.”

Mateyu 16:23

Kweni wati wang'anamuka, wangumunene Petro, “Kanga kuvuli kwangu, Satana; ndiwe guŵisku kwaku ine chifukwa kuti we kuchiri kwaku Chiuta cha kweni ku ŵanthu.”

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Marko 3:34

Pakulereska kwakuzunguliya paku ŵeniwo ŵatekanga kwakumukwetere, watiti, “Awoni, ama ndi ŵahurwa ŵangu!

Marko 3:5

Ndipo wakuŵalereska kwakuzunguliya ndi chikwiya, wangukwininika pa unononu wa mitima yawo, ndipo watiti ku munthu yo, “Tambasuwa janja lako lo.” Ndipo wachatambasuwa, janja lake linguweremo.

Luka 22:61

Ndipo wangung'anamuka Mbuya, wangulereska Petro. Ndipo Petro wangukumbuka nenedu la Ambuya, mo wangumunene, “Weche wandakokoŵereke le tambala, undikanenge katatu.”

Luka 4:8

Ndipo wakwamuka Yesu wanguti kwaku iyo, “Kwalembeka, ‘Ulambiyenge Mbuya Chiuta wako, ndipo iyo pe yija umsopenge.’ ”

Luka 9:55

Kweni wangung'anamuka, ndipo wanguŵachenya.

1 ŴaKorinte 5:5

muperekeni waviyo kwaku Satana ku wanangiku wa liŵavu mpaka penipo warapa, alinga kuti wataske mzimu wake mu zuŵa la Ambuya Yesu.

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

1 Timote 5:20

Ŵakulakwa uŵachenye mu maso ghaku wose, alinga kuti ŵakujapo nawo ŵaŵe ndi chopu.

Tito 1:13

Chisimisimi chenichi nchakuneneska. Pa chifukwa chenicho ŵapanikizge kwakuchenya, alinga kuti ŵakhome mu chivwanu.

1 Petro 4:1

Viyo mwakuti Kristu wangukomwe mu liŵavu, namwe so jiphatiyeni ndi kapimidu keniko ndiko (pakuti mweniyo wakomwa mu liŵavu warekeko ku ulakwi);

1 Yohane 2:15

Munganjanga charu cha, chingana ndi vyo vyamu charu. Asani munthu watanja charu cho, kuti chanju cho cha Dada che mwake cha.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.