Marko 8:11 - Tonga Bible 1986

¹¹ Ndipo ŵanguza ŵaFarisi, wangwamba kufumbana nayo, ŵakulembe kwaku iyo chisimikizgu chakutuwiya kuchanya, pakumwesa.

Marko 8:11 Iomraidhean Croise

Chituwa 17:2

Chifukwa cho ŵanthu ŵangusaniya kafukwa ndi Mosese ndi ŵanguti, “Utipaske maji timwenge.” Ndipo Mosese wanguti kwaku wo, “Chifukwa nchine pakulimbana ndi ine? Chifukwa nchine mutuŵesa Ambuya?”

Chituwa 17:7

Ndipo wangudana zina la malo gha Masa ndi Meriba, chifukwa cha kutundula kwa ŵana ŵaku Yisraele; ndi chifukwa ŵangwesa Ambuya pakukamba kuti, “Kumbi Ambuya ŵe mukati mwidu, pamwenga awa?”

Malaki 3:15

Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Mateyu 12:38

Penipo ŵangwamuka ŵanyake ŵa ŵalembi ndi ŵaFarisi, ŵakuti, “Msambizgi, tikhumba kuwona chisimikizgu kwako.”

Mateyu 19:3

Ndipo kunguza kwaku iyo ŵaFarisi, ŵakumwesa, ndi ŵakuti, “Kumbi kuyamu kuti munthu wampate muwoli wake pa chifukwa che chose?”

Mateyu 21:23

Ndipo wati waza mu kasopi, ŵanguza kwaku iyo, ŵazukuru ŵara ndi ŵaraŵa khamu lo, wachisambizga, wakuti, “Uchita vyenivi ndi mtufu nuwu? Ndipo yo wakukupaska mtufu wo njani?”

Mateyu 22:15

Penipo ŵaFarisi ŵanguruta ndipo ŵangupangana upu, mo ŵangamkole mu mazu.

Mateyu 22:18

Kweni Yesu, pakuziŵa uheni wawo, wanguti, “Mutindesiyanji, mwaŵakufuvya?

Mateyu 22:23

Pa zuŵa lenilo pe ŵangumziya ŵaSaduki wo ŵatiti, Chiyuka kulive: ndipo ŵangumfumba,

Marko 12:15

Tipaskenge, pamwenga tirekenge kupaska?” Kweni iyo, pakuziŵa kufuvya kwawo, wanguŵanene, “Mutindesiyanji? Nditoleni tambala ndimuwone.”

Marko 2:16

Ndipo ŵalembi ŵa ŵaFarisi wachiwona kuti warghanga pamoza ndi ŵakulakwa ndi ŵamsonkhu, ŵangunene ŵasambizi ŵake, “Chifukwa chine waturgha ndi watumwa pamoza ndi ŵamsonkhu ndi ŵakulakwa?”

Marko 9:16

Ndipo wanguŵafumba, “Mufumbananji nawo?”

Luka 10:25

Ndipo onani, wamarangu ngana wangusoka, wakumwesa, wakuti, “Msambizgi, nkhachitanga chine kuti ndihare umoyo wamuyaya?”

Luka 11:16

Ndipo ŵamwenga pakumwesa ŵangupenja kwaku iyo chisimisimi chakutuwa kuchanya.

Yohane 4:48

Viyo Yesu wanguti kwaku iyo, “Kwambura kuti mungawona visimisimi ndi minthondwi kuti muvwanenga cha.”

Yohane 6:30

Viyo ŵangumnene, “Na, muchita chisimisimi chakutinji, alinga tiwone, ndi tivwaniye mwinu? Mutata mlimu uli?

Yohane 7:48

Kumbi yumoza wamu ŵara, pamwe wamu ŵaFarisi wavwaniya mwake?

Yohane 8:6

Kweni ichi ŵakambiyanga kumwesa, alinga ŵaŵe nako kakumsumuwa. Kweni Yesu wangukotama pasi, wangulemba ndi munwi wake pa dongu.

Machitidu gha Ŵakutumika 5:9

Kweni Petro wangunena nayo, “Chifukwa chine mwapangana imwe kwesa Mzimu wa Ambuya? Awona, marundi ghaku wo ŵaŵikanga mrumi wako ghe pa khomo, ndipo ŵatembeziyenge iwe kubwaro.”

1 ŴaKorinte 10:9

Tingesanga Ambuya cha, nge ndimo ŵangwese ŵanyake ŵaku wo, ndipo ŵangumara ndi njoka zo.

Marangu 6:16

“Mungesanga Ambuya Chiuta winu, nge ndimo mungumwese pa Masa.