Marko 7:2 - Tonga Bible 1986

² ndipo ŵanguwona kuti ŵanyake ŵa ŵasambizi ŵake ŵarghanga viŵande ndi manja ghamwikhu, uku nkhuti, ghambura kusamba.

Marko 7:2 Iomraidhean Croise

Mateyu 15:2

“Chifukwa chine ŵasambizi ŵinu ŵajumpha mdauku wa ŵara? Chifukwa kuti ŵasamba manja cha penipo ŵaturgha kurgha.”

Marko 7:5

Ndipo ŵangumfumba ŵaFarisi ndi ŵalembi, “Chifukwa chine ŵasambizi ŵako ŵareka kuvwiya mdauku wa ŵara, kweni ndi manja ghamwikhu ŵaturgha chiŵande?”

Luka 11:38

Ndipo muFarisi yo, wanguti wawona wanguzizwa kuti wengavi kusamba danga paurongo pa mrauko.

Machitidu gha Ŵakutumika 10:28

Ndipo wangunena nawo, “Imwe muziŵa kuti nkhwamwikhu ku munthu mu Yuda kwenderana nayo wa mtundu unyake pamwenga kuza kwake; ndikweni Chiuta wandirongo kuti ndingamzumbuwa cha munthu waŵaka pamwenga wawiyu.

Machitidu gha Ŵakutumika 11:8

Kweni ndinguti, ‘Awa na, Ambuya: pakuti chawaka pamwe chawiyu kuti chasere mu mlomo wangu kali kose cha.’

ŴaRoma 14:14

Ndiziŵa, ndipo ndawojeka mu Mbuya Yesu, kuti palive kanthu ko nkhamwikhu mwaku kija; kweni kwaku yo wapima kuti nkhamwikhu, kwaku iyo nkhamwikhu.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

Chivumbuzi 21:27

Kweni kuti kaserenge mwake cha kanthu kose kawaka, chingana ndi yo wachita kaukazuzi pamwenga wakukamba utesi.