Marko 6:41 - Tonga Bible 1986

⁴¹ Ndipo wati wato viŵande vinkhonde vyo ndi somba zo ziŵi, wangulereska kuchanya, wangutumbika, ndipo wangumenya viŵande vyo; wangupaska ku ŵasambizi kuti waŵajarikiye; ndi somba ziŵi zo wangugaŵiya wose.

Marko 6:41 Iomraidhean Croise

Mateyu 14:19

Ndipo wati walanguliya mizinda kuteka pasi pa uteka, ndipo wati waronde viŵande vyo vinkhonde ndi somba zo ziŵi, wakulereska kuchanya wangutumbika, ndipo wati wamenya wangupaska viŵande ku ŵasambizi, ndi ŵasambizi wo ku mizinda.

Mateyu 15:36

wakuto viŵande vyo vinkhonde ndi viŵi ndi somba; ndipo, wakuwonga, wangumenya, ndi wangupaska ku ŵasambizi, ndi ŵasambizi ku mizinda yo.

Mateyu 26:26

Ndipo ŵachirgha, Yesu wanguto chiŵande wangutumbika, ndi wangumenya; ndipo wangupaska ku ŵasambizi wo, wanguti, “Rondani, rghani; ichi ndi liŵavu langu.”

Marko 14:22

Ndipo ŵachirgha iwo, wanguto chiŵande, wati watumbika, wangumenya, ndipo wangupaska kwaku wo, ndi wanguti, “Rondani: ichi ndi liŵavu langu.”

Marko 6:40

Ndipo ŵanguja pasi mizere-mizere, mu machumi pe chumi ndi mu machumi ghankhonde.

Marko 6:42

Wose ŵangurgha, ndiŵanguguta.

Marko 7:34

ndipo, wati walereska kuchanya, wangusiska mtima, ndipo wanguti kwaku iyo, “Efata, ko nkhuti, Banuka.”

Marko 8:19

Penipo ndingumenya viŵande vinkhonde mu vikwi vinkhonde, munguyora sokora ziringa za marivuvu?” Wamunene, “Chumi ndi ziŵi.”

Luka 24:30

ndipo kunguŵa, wachija nawo pa kurgha, wanguti wato chiŵande, wanguchitumbika, ndipo wanguti wamenya, wapaskanga kwaku wo.

Luka 9:16

Ndipo wanguto viŵande vyo vinkhonde ndi somba zo ziŵi, ndipo wati walereska kuchanya, wanguvitumbika, ndipo wangumenya; ndipo wanguvipaska ku ŵasambizi kujarika paurongo pa mzinda wo.

Yohane 11:41

Viyo wangutuzgako mwa. Ndipo Yesu wangwinuskiya kuchanya maso ghake, wanguti, “Ada, ndikuwongani kuti mwandivwa.

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

Yohane 6:11

Viyo Yesu wanguto viŵande vyo; ndipo wati wawonga, wanguŵagaŵiya wo ŵanguteka pasi; ndi tusomba natu kwakulingana, uli ndimo wose ŵakhumbiyanga.

Yohane 6:23

Kweni tunguzako tungaraŵa twakutuwa ku Tiberia kufupi ndi malo gho ŵangurghiyako chiŵande cho, wati ŵawonga Ambuya.

Machitidu gha Ŵakutumika 27:35

Ndipo wanguti wakamba viyo, wanguto chiŵande, wangumwonga Chiuta paurongo paku wose, ndipo wanguti wamenya, wangwanda kurgha.

ŴaRoma 14:6

Yo waphwere zuŵa, ku Mbuya waliphwerere: ndipo yo waturgha, ku Mbuya waturghiya, pakuti wamuwonga Chiuta; ndipo wakureka kurgha, ku Ambuya walive kurghiya, ndipo wamwonga Chiuta.

1 ŴaKorinte 10:31

Viyo chingana muturgha, chingana mutumwa, chingana muchitanji, chitiyani vyose ku unkhankhu waku Chiuta.

Marangu 8:10

Mukarghanga ndi kuguta, ndipo mukatumbikanga Ambuya Chiuta winu chifukwa cha charu chamampha cho wamupaskani.

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

1 Samuele 9:13

Mutakuti mwasere mu msumba, mumusaniyenge, wenga wandarute kwa chirgha pa malo gha pachanya; chifukwa ŵanthu kuti ŵangargha cha mpaka penipo iyo waza pakuti ndiyo watenere kudanga kutumbika sembe; sono pavuli ndipo ŵakudanika wo ŵarghenge Viyo kwerani mukumanenge nayo sosonukweni.”