Marko 6:3 - Tonga Bible 1986

³ Asi uyu ndi muwomba-miti, mwana waku Mariya, mku waku Yakobe ndi Yose ndi Yuda ndi Simoni? Ndipo asi ŵazichi ŵake ŵe panu pamoza nafwe?” Ndipo ŵaguŵiskikanga mwaku iyo.

Marko 6:3 Iomraidhean Croise

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Mateyu 11:6

Kweni ngwakutumbikika yose yo kuti ŵaguŵiskika mwaku ine cha.”

Mateyu 12:46

Wacharongoro iyo ku mizinda yo, anyina ndi ŵabali ŵake ŵanguma kubwaro ŵakupenja kurongoro nayo.

Marko 15:40

Ndipo kwenga so ŵanthukazi ŵakulereska patari, mwaku ŵeniwo ŵenga Mariya waku Magdala, Mariya nyina waku Yakobe mumana, ndi waku Yose, ndi Salome,

Marko 3:18

Andreya, ndi Filipu, Bartolomeyu, ndi Mateyu, Tomase, ndi Yakobe, mwana waku Alifeyu, ndi Simoni mKanane,

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Luka 7:23

Ndipo ngwamwaŵi yose yo walive kuguŵiskika mwaku ine.”

Luka 8:20

Ndipo kungukambika kwaku iyo, “Anyoko ndi ŵabali ŵako ŵatuma kubwaro, ŵakhumba kukuwona.”

Yohane 14:22

Yuda (Keriote yo cha) wangumfumba, “Ambuya, kwati po mutiti mukajivumbuwanga kwaku ifwe, kweni ku charu cha?”

Yohane 6:42

Ŵanenanga, “Asi uyu ndi Yesu, mwana waku Yosefe, awiske ndi anyina ŵaku mweniyo ifwe tituŵaziŵa? Wakamba uli sono, ‘Ndasika kuchanya?’ ”

Machitidu gha Ŵakutumika 1:13

Ndipo ŵati ŵaseremo, ŵangukwera ku chipinda cho chamuchanya, mwenimo ŵajanga; Petro iyo ndi Yohane ndi Yakobe ndi Andreya, Filipu ndi Tomase, Bartolomeyu ndi Mateyu, Yakobe mwana waku Alifeyu, ndi Simone mZelote, ndi Yuda mwana waku Yakobe.

Machitidu gha Ŵakutumika 12:17

Kweni pakuŵakonozge ndi janja kuti ŵachetame, wanguŵakonkhome mo Ambuya angumutuzgiya mu ulinda. Ndipo wanguti, “Mutauliye vyenivi kwaku Yakobe, ndi ku ŵabali wo.” Ndipo wangutuwako, ndipo wanguruta kunyake.

1 ŴaKorinte 1:23

kweni ifwe titaula Kristu wakupayikika, ku ŵaYuda nchiguŵisku, ku ŵaMitundu nkhupusa;

1 ŴaKorinte 9:4

Kumbi tirive mtufu wapa vyakurgha ndi vyakumwa vyakutaŵeni?

ŴaGalatia 1:19

Kweni munyake wa ŵakutumika ndengavi kumwona, kweni Yakobe pe, mhurwa wa Ambuya.

1 Petro 2:4

Muzenge na kwaku mweniyo, mwa wamoyo, wakupatika nadi ndi ŵanthu, kweni kwaku Chiuta wakusankhika, wakuzirwa;

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu: