Marko 6:12 - Tonga Bible 1986

¹² Ndipo ŵangutuwa, ŵangumemeza kuti ŵanthu ŵang'anamuke.

Marko 6:12 Iomraidhean Croise

Ezekiele 18:30

“Chifukwa cho ndikweruzgeninge imwe, nyumba yaku Yisraele, munthu yose kwakulingana ndi nthowa zake, atiti Ambuya Chiuta. Ng'anamukani, mtima rekani maubendezi ghinu ghose, vinu mphurupuru yingaŵa phasulu linu.

Mateyu 11:1

Ndipo kunguŵa kuti wati wamara Yesu kuŵalanguliya wasambizi ŵake chumi ndi ŵaŵi, wangutuwako kweniko wanguruta kwachisambizga ndi kutaula mu mizi yawo.

Mateyu 11:20

Sono wangwanda kuchenya mizi mwenimo vyanthazi vyake vinandi vinguchitika, chifukwa kuti yingung'anamuka cha.

Mateyu 3:2

“Ng'anamukani; chifukwa waŵandika ufumu wa kuchanya.”

Mateyu 3:8

Viyo pasani vipasi vyakwenere ching'anamuka,

Mateyu 4:17

Kutuwa pa nyengo yeniyiya Yesu wangwamba kutaula ndi kukamba, “Ng'anamukani; chifukwa waŵandika ufumu wa kuchanya.”

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Marko 1:15

wakuti, “Nyengo yafiskika, ndipo waŵandika ufumu waku Chiuta: ng'anamukani ndi vwanani mu evangeli.”

Marko 1:3

liu la wakukambura mu bozwa, Rongosoni nthowa ya Ambuya nyoroskani ŵagurwi wake.”

Luka 11:32

Ŵanthurumi ŵaku Nineve ŵasokiyenge mu cherezgu cho pamoza ndi mphapu iyi, ndipo ŵayisuskenge; pakuti ŵangung'anamuka chitaula chaku Yona; ndipo onani, wakuzungura Yona we panu.

Luka 13:3

Ndikuneniyani, Awa na: kweni kwambura kuti mung'anamukenge, mose muparghanikenge kwakukozgana.

Luka 13:5

Ndikuneniyani, Awa na: kweni kwambura kuti mung'anamukenge, mose muparghanikenge kwakukozgana.”

Luka 15:10

Viyo ndimo, ndikuneniyani, kutuŵa chimwemwe pa maso gha ŵangelo ŵaku Chiuta pa mlakwi yumoza wakung'anamuka.”

Luka 15:7

Ndikuneniyani, kuti viyo ndimo kuŵiyenge chimwemwe kuchanya pa mlakwe yumoza waking'anamuka, kwakuruska pa ŵarunji machumi ghankhonde ndi ghanayi pachanya ŵankhonde ndi ŵanayi, ŵeniwo ŵalivi msowu wa chipe.

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Luka 9:6

Ndipo ŵachituwako, ŵaporotanga mu mizi, ŵakutaula evangeli ndi ŵakuchizga kosekose.

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya: