Marko 6:11 - Tonga Bible 1986

¹¹ Ndipo ku malo kose ko ŵareka kukurondeni, chingana nkhukuvwani, muchituwa kweniko, kung'unthani fuvu la kusi ku marwayo ghinu, nge nchisimisimi kwaku wo.”

Marko 6:11 Iomraidhean Croise

Nehemiya 5:13

Ndipo ndingukung'untha so chiunu changu ndi ndinguti, “Viyo Chiuta wadikiskemo munthu we yose mu nyumba yake ndi mu nchitu yake yo warekenge kufiska phanganu lake, viyo ndimo wadikiskiyemo ndi kuŵa wambura kanthu.” Ndipo wumba wose unguti, “Ameni,” ndi ungukankhuska Ambuya. Ndipo ŵanthu ŵanguchita kwakuyana ndimo ŵangupanganirana.

Mateyu 12:36

Kweni ndikuneniyani, kuti pa mazu ghose ghawaka gho wangakamba ŵanthu, ŵazamukughakamba mu zuŵa la cheruzgu.

Marko 6:10

Ndipo wangunena nawo, “Kose kweniko mungasere mu nyumba tandarani kweniko mpaka kutuweko.

Luka 9:5

Ndipo wose wo ŵarekenge kukurondeni, muchituwako ku muzi wuwa, kung'unthani ku marundi ghinu fuvu lo nge mbukaboni paku wo.”

Machitidu gha Ŵakutumika 18:6

Kweni po ŵangumikirana nayo iwo, ndi kutuka, wangukung'untha minjirira yake, ndipo wangunena nawo, “Ndopa zinu ziŵi pa mitu yinu; ndasasamo ine; kwanda sono ndikenge ku ŵaMitundu.”

ŴaRoma 2:16

mu zuŵa lenilo Chiuta wamkweruzgiya mwaku Yesu Kristu vibisibisi vya ŵanthu, kwakulingana ndi evangeli wangu.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

2 Petro 2:6

ndipo pakunyekeska mizi yaku Sodomu ndi Gomora, wangweruzga yo ndi kuyigadabuwa, ndipo wanguyiŵika nge nchichenjezgu kwaku wo ŵanguŵa ŵambura kopa Chiuta;

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

2 Petro 3:7

kweni machanya gho ghasono, ndi mtunda nawo, ndi mazu ghenigho pe vyaŵikikiya ku moto, vyalindizgikiya ku zuŵa la cheruzgu ndi la chanangiku cha ŵanthu ŵambura uwopa Chiuta.

1 Yohane 4:17

Mwaku chenichi chanju cho chifiskikiya kuchiri kwaku ifwe, kuti tiŵe ndi chigomezgu mu zuŵa lo la cheruzgu; pakuti ndimo waliri yuwa, ndimo tiliri ifwe mu charu chenichino.

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.