Marko 5:23 - Tonga Bible 1986

²³ wangumuŵeyere ukongwa, wakuti, “Kana kasungwana kangu kaziririka ke pafupi kufwa, zani, muzichiŵika pakemanja ghinu, alinga wachizgike waŵe ndi umoyo.”

Marko 5:23 Iomraidhean Croise

2 ŴaKaronga 5:11

Kweni Namani wangukaripa, ndipo wangupunthuka wakuti, “Ehe, ndaghanaghananga kuti nadi wakaturiyanga kwangu, ndi kuma, ndi kudana pa zina la Ambuya Chiuta wake, ndi kuzungung'a janja lake pa malo gha nthenda ndi kuchizga makhate.

Sumu 107:19

Mu suzgu yawo ŵangubongole ku Ambuya, ndipo anguŵataska mu soka lawo.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Mateyu 8:3

Ndipo wati watambaruwa janja lake, wangumkwaska, wakuti, “Ndikhumba; utozgeke.” Ndipo sosonukweni makhati ghake ghangutozgeka.

Marko 16:18

ŵakasoskanga zinjoka, ndipo asani ŵangamwa kanthu karwani, kuti kakaŵapwetekanga cha; ŵakaŵikanga manja pa ŵarwali, ndipo ŵakachiranga.”

Marko 5:24

Ndipo Yesu wanguruta pamoza nayo. Ndipo mzinda ukuru wamrondonga; ndi wamfinyirizganga.

Marko 6:13

Ndipo ŵatuzganga ŵademone ŵanandi, ndi kutukutizga ŵarwali ŵanandi ndi mafuta, ŵaŵachizganga.

Marko 7:32

Ndipo ŵangumtole wamgota wachimama, ŵangumuŵeyere kuti waŵikepo pake janja lake.

Marko 8:23

Ndipo wati wamko wachiburumutiya yo pa janja, wangumrongozge kubwaro ku muzi; ndipo wati wafunyiya mata pa maso ghake, ndi kuŵikapo pake manja ghake, wangumfumba, “Kumbi uwona kanthu?”

Luka 13:13

Ndipo wanguŵika pake manja: ndipo sosonukweni wangunyoroka, ndipo wakankhuskanga Chiuta.

Luka 4:38

Ndipo wanguti wasokako ku sinagoge lo, wanguza mu nyumba yaku Simoni. Ndipo mpongozi waku Simoni wakorekanga ndi muliŵavu mukuru; ndipo wangumpempha iyo.

Luka 4:40

Ndipo lichisere dazi wose ŵeniwo ŵaŵanga ndi ŵakutama ndi matenda cha mitundumitundu, ŵanguza nawo kwaku iyo. Ndipo iyo wanguti waŵikapo manja paku wo yumoza ndi yumoza, wanguŵachizga.

Luka 7:12

Ndipo po wanguŵandika ku likomo la muzi wo, onani, wanyamulikiyanga kubwaro munthu wakufwa, mwana mhurwa wakuŵa yija ku nyina, ndi iyo wenga choko: ndipo mzinda ukuru wa muzi wenga pamoza nacho.

Yohane 11:3

Viyo ŵazichi wo ŵangutuma kwaku iyo, ŵakuti, “Ambuya bwezi linu lapa mtima watama.”

Machitidu gha Ŵakutumika 28:8

Ndipo kunguŵa kuti wiske waku Publio waranga wakukoreka ndi muliŵavu ndi chigweu: kwaku mweniyo Paulo wangusere, ndi kumrombe, ndipo, pakuŵika manja ghake paku iyo, wangumchizga.

Machitidu gha Ŵakutumika 6:6

Wo ŵangumika paurongo pa ŵakutumika: ndipo ŵati ŵaromba, ŵanguŵika manja pakuwo.

Machitidu gha Ŵakutumika 8:17

Sono ŵanguŵika manja paku wo ndipo ŵanguronde Mzimu Wakupaturika.

Machitidu gha Ŵakutumika 9:12

ndipo wawona munthurumi, zina lake Hananiya, wasere ndi waŵika pake manja ghake, alinga walereske.”

Machitidu gha Ŵakutumika 9:17

Ndipo wanguruta Hananiya, ndi wangusere mu nyumba yo; ndipo pakuŵikiya pake manja ghake, wanguti, “Saulo, mbali wangu, wandituma Mbuya Yesu, mweniyo wangukuwoneke mu nthowa yo wazangamo, alinga kuti ulereske, ndi kuti uzazike Mzimu Wakupaturika.”