Marko 3:27 - Tonga Bible 1986

²⁷ Palive yumoza wangaŵa wanthazi kusere mu nyumba ya chilimbi, kwachiskoŵa viyaŵi vyake, kwambura kuti wadanga wamanga chilimbi yo; sono ndipo waskoŵenge nyumba yake.

Marko 3:27 Iomraidhean Croise

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Yesaya 27:1

Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Mateyu 12:29

Pamwenga munthu wangaziŵa uli kusere mu nyumba ya wanthazi, ndi kuskoŵa vyuma vyake, kwambura kuti wadanga chamanga munthu wanthazi yo? Penipo ndipo waskoŵenge nyumba yake.

Yohane 12:31

Sono kwe cheruzgu cha charu chino: sono wakapong'ekanga kubwaro muusi wa charu ichi.

ŴaRoma 16:20

Ndipo Chiuta iyo wa chimangu waphwanyiyenge Satana ruŵi kusi ku marwayo ghinu. Wezi wa Ambuyafwe Yesu Kristu uŵe manwe.

ŴaKolose 2:15

wati wabwanganduwa maufumu ndi mitufu, wanguvirongole pakweru, pakuvipundiya mwaku iyo mweneko.

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.