Marko 16:1 - Tonga Bible 1986

¹ Ndipo lati laruta Sabata, Mariya waku Magdala, ndi Mariya nyina waku Yakobe, ndi Salome ŵangugula vyema alinga kuti ŵazichimtukutizga.

Marko 16:1 Iomraidhean Croise

Chiyambo 50:2

Ndipo Yosefe wangulanguliya ŵateŵeti ŵake ŵasing'anga kuti ŵapake awiske ndi mafuta gha chema ghakukanizga thupi kuvunda. Viyo ŵasing'anga ŵangupaka Yisraele;

2 Mikoka 16:14

Ŵangumuŵika mu muunda wake wo wangujinozge yija mu msumba waku Davidi. Ŵangumgoneka pa chita chakuzaza ndi vyachema vya mtundu mtundu, vyakunozgeka ndi ŵakupanga minkhwara, ndipo ŵangusonkha chi moto chikuru mwakumtumbika.

Marko 14:3

Ndipo pakuŵa iyo mu Betaniya, mu nyumba yaku Simone wamakhate, wachija pa kurgha, kunguza munthukazi wakuŵa ndi supa ya sangarawe ya mafuta ghachema cheneko gha mtengo ukuru; ndipo wati waswa supa, wangupunguliya mafuta pa mutu waku Yesu.

Marko 14:8

Wachita cho wangukhumba kuchita: watukutizgiya limu liŵavu langu kwachindiŵika.

Marko 15:40

Ndipo kwenga so ŵanthukazi ŵakulereska patari, mwaku ŵeniwo ŵenga Mariya waku Magdala, Mariya nyina waku Yakobe mumana, ndi waku Yose, ndi Salome,

Marko 15:42

Ndipo ghanguti ghaŵa mazuro, pakuti lenga la Chirongoso, lo ndi zuŵa lakudanga ndi Sabata,

Marko 15:47

Ndipo Mariya waku Magdala ndi Mariya nyina waku Yose wawonanga po wanguŵikika.

Marko 16:2

Ndipo ndi mlenjilenji pa zuŵa la chimoza la lisabata ŵatuza ku muunda wo, lati latuwa dazi.

Marko 16:8

Ndipo ŵangutuwamo, ŵanguthaŵa ku muunda wo; chifukwa chitenthe ndi kuzizwa vinguŵako: ndipo kuti ŵanguneniyapo yumoza kanthu cha, chifukwa wopanga. [

Luka 23:54

Ndipo zuŵa lenga la chirongoso, ndipo sabata laŵandikanga.

Luka 23:56

Ndipo ŵanguwe, ndipo ŵangurongoso vyema ndi mafuta ghakumtukutizga. Ndipo pa Sabata ŵangupumuwa kwakulingana ndi langulu lo.

Luka 24:1

Kweni pa zuŵa la chimoza la lisabata, pa chivivivi, ŵanguza ku muunda wo, ŵakupinga vyema vyenivyo ŵangurongoso.

Yohane 19:25

Kweni ku rwandi la mphinjika yaku Yesu ŵangumako anyina, ndi mhurwa wa anyina, Mariya muwoli waku Klopa, ndi Mariya waku Magdala.

Yohane 19:31

Viyo, pakuti lenga la Chirongoso, alinga kuti mathupi ghareke kutandara pa mphinjika pa sabata (pakuti zuŵa la sabata lenga zuŵa likuru) ŵaYuda ŵangufumba Pilato kuti marundi ghawo ghafyoleke, ndi kuti mathupi ghabuzgikepo.