3 Ndipo ŵazukuru ŵara ŵangumusumuwa vinandi.
Inya, ndi nge ndi munthu wambura kuvwa, yo mu mlomo wake mulivi vyakususka.
Wangusuzgika, ndi wangusunjizgika, kweni kuti wangubanuwa mlomo wake cha; nge ndi mberere yakurongozgeke kukubayika, ndi uli ndi mberere yo yili cheti paurongo pa ŵakuyisanga, viyo kuti wangubanuwa mlomo wake cha.
Ndipo wachisumulika ndi ŵazukuru ŵara ndi ŵara, kuti wangwamuka kanthu cha.
Pilato wangumfumba, “Kumbi ndiwe Karonga wa ŵaYuda?” Ndipo wangwamuka, wangumnene, “Ukamba ndiwe.”
Ndipo Pilato wangumfumba so, wakuti, “Asi utamuka kanthu? Awona, ndi vinandi vyo ŵakusumuliya.”
Kweni Yesu kuti wangwamukapo so kanthu cha; viyo kuti wanguzizwa Pilato.
Kutuwa penipa Pilato wangukhumba kumufwatuwa: kweni ŵaYuda ŵakamburanga, ŵakuti, “Asani ungamufwatuwa uyu, kuti ndiwe bwezi laku Kaisare cha: yose wakujisanduska karonga, wamikana ndi Kaisare.”
