Marko 11:18 - Tonga Bible 1986

¹⁸ Ndipo ŵazukuru ŵara ndi ŵalembi ŵanguvwa, ndipo ŵapenjanga mo ŵamnangiyenge: chifukwa ŵamopanga, pakuti mzinda wose wazizwanga pa chisambizgu chake.

Marko 11:18 Iomraidhean Croise

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

1 ŴaKaronga 22:18

Sono karonga ŵaYisraele wanguti kwaku Yehosafati, “Kumbi ndengavi kukunene kuti, kuti wachimenge ghamampha paku ine cha, kweni ghaheni?”

1 ŴaKaronga 22:8

Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Mateyu 21:15

Kweni ŵazukuru ŵara ndi ŵalembi; ŵachiwona vyanthazi vyo wangutata, ndi twana twaku bongo mu kasopi, “Hosana, Mwana waku Davidi!” Ŵangukalipa,

Mateyu 7:28

Ndipo kunguŵa kuti Yesu wati wamara kurongoro vinthu ivi; mizinda ya ŵanthu yazizwanga pa chisambizgu chake:

Marko 1:22

Ndipo ŵarwitanga pa chisambizgu chake: pakuti wawasambizganga nge ngwakuŵa ndi mazaza, nge mbalembi wo cha.

Marko 11:32

Kweni asani tinganena, ‘Kutuwa ku ŵanthu’?” Wopanga khamu lo: chifukwa wose ŵapimanga Yohane kuti wengadi mchimi.

Marko 12:12

Ndipo ŵapenjanga kumko; kweni ŵangopa mzinda wo; chifukwa ŵanguteska kuti wakambiyanga paku iwo ntharika yo; ndipo ŵangumeleka, ŵanguruta.

Marko 3:6

Ndipo wachituwamo ŵaFarisi, sosonukweni pamoza ndi ŵaHerode ŵachitanga upu paku iyo, mo ŵangamunangiya.

Marko 6:20

chifukwa Herode wamopanga Yohane, pakumziŵa kuti wenga munthu murunji ndi wakupaturika, wamsungirizganga waka. Ndipo wachimuvwa wazizikikanga ukongwa; kweni wamuvwanga kwakukondwere.

Luka 19:47

Ndipo wasambizganga zuŵa ndi zuŵa mu kasopi yo. Kweni ŵazukuru ŵara ndi ŵalembi ndi ŵara ŵa khamu lo ŵalembenga kumwananga:

Luka 2:47

ndipo wose ŵakumuvwa ŵarwitanga pa uteska wake ndi mayankhu ghake.

Luka 20:19

Ndipo ŵalembi ndi ŵazukuru ŵara ŵangulembe kumko ku manja mu ora leniliya; ndipo ŵangopa khamu lo; chifukwa ŵanguziŵa kuti paku iwo wangutayiya ntharika yeniyi:

Luka 4:22

Ndipo wose ŵangumsimikizgiya, ndipo ŵatondwanga pa mazu gha wezi ghakutuwa mu mlomo wake; ndipo ŵanenanga, “Asi uyu ndi mwana waku Yosefe?”

Yohane 7:1

Ndipo pavuli paku vyenivi Yesu wendayendanga mu Galile: kuti wakhumbanga kwendayenda mu Yuda cha, pakuti ŵaYuda ŵapenjanga kumbaya.

Yohane 7:19

Mosese wangukupaskani langulu? Ndipo palive yumoza mwaku imwe wasunga langulu. Chifukwa chine mulembe kundibaya?”

Yohane 7:46

Wangwamuka ŵamirizi, “Chingana ndi kali munthu kuti wangurongoro viyo cha.”

Machitidu gha Ŵakutumika 24:25

Kweni wachipokoto iyo vyapa urunji, ndi kujitintha ndi cheruzgu cho chikazanga, Feliko wangumbwambwantha, ndi wangwamuka, “Sono rutanga; ndipo ndichiŵa ndi nyengo, ndamkukudana.”