Marko 11:13 - Tonga Bible 1986

¹³ Ndipo wati wawona mkuyu kutari, wakuvwalira mane, wanguza kuti vinu wangasaniyamo kanthu; wati waza pafupi kuti wangusaniyamo kanthu cha kweni mani pe; chifukwa kuti yenga nyengo ya nkhuyu cha.

Marko 11:13 Iomraidhean Croise

Yesaya 5:2

Wanguwulima wangutuzgamo mya, ndipo wangupandamo mphereska zakusankhika; wanguzenga chitanthali mukati mwake, wangusemiyamo thaŵali la mphereska mukati mwake; wanguwulereze kuti upasenge vipasi, kweni ungupasa vikorakora.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Mateyu 21:19

Ndipo pakuwona mkuyu umoza mu mphepete mu nthowa, wanguza kwaku wo, ndipo kuti wangusaniyamo kanthu cha, kweni mane pe, ndipo watiti kwaku wo, “Pako pangaŵa so chipasi cha muyaya!” Ndipo sosonukweni ungumira mkuyu wo.

Marko 11:12

Ndi mlenju wachituwa ku Betaniya, wanguvwa nja.

Marko 11:14

Ndipo wakwamuka wanguwunene, “Mpaka muyaya munthu wangarghamo mwako so cha chipasi.” Ndipo ŵasambizi ŵake ŵavwanga.

Luka 10:31

Ndipo kunguŵa kuti mzukurungana wasikanga mu nthowa yiya: ndipo wanguti wamwona, wanguŵambalika.

Ruti 2:3

Viyo wanguruta ndi wangukonkho mbeu muvuli mwa ŵakuvuna; ndipo wanguza ku chigaŵa cha munda cho chenga chaku Boazi yo wenga wa mbumba yaku Elimeleke.

1 Samuele 6:9

Ndipo wonani; asani likwera mu nthowa yakuya ku charu chake ku Beteshemeshe, iku ndiyo yo watichitiya uheni ukuru uwu, asani kuti liyengeko cha, mbwenu tikaziŵanga kuti, kuti ndi janja lake cha lo latipweteka, chatiŵiya waka mwasoka.”