Marko 10:47 - Tonga Bible 1986

⁴⁷ Ndipo wachivwa kuti ndi Yesu waku Nazarete, wangwamba kubongo ndi kuti, “Yesu mwamwana waku Davidi, ndifwiyeni lisungu.”

Marko 10:47 Iomraidhean Croise

Yesaya 11:1

Pakatuwanga chitivwa pa chipandu chaku Jese, ndipo mphanda yikakuwanga kutuwa ku misisi yake.

Mateyu 1:1

Buku la kawidu kaku Yesu Kristu, mwana waku Davidi, mwana waku Abrahamu.

Mateyu 12:23

Ndipo mzinda yose yarwitanga, ndi yatinge, “Kumbi mwenuyu ndi mwana waku Davidi?”

Mateyu 15:22

Ndipo wonani, munthukazi muKanani, wakutuwa mu mphaka zenizo, wangubongo, wakuti, “Ndifwiyeni lisungu, Ambuya, mwa Mwana waku Davidi; mwana wangu munthukazi wakoreka uheni ndi demone.”

Mateyu 2:23

Ndipo wanguza ndi wanguja mu muzi wakuzumbulika Nazarete: viyo kuti lifiskike nenedu la ŵamchimi, kuti, “Wazumbulikenge mu Nazarene.”

Mateyu 20:30

Ndipo, ŵachiburumutiya ŵaŵi ŵakuja mumphepete mu nthowa, ŵati ŵavwa kuti Yesu wajumphapo ŵangubongo ŵakuti, “Ambuya, tifwiyeni lisungu, mwaMwana waku Davidi.”

Mateyu 21:11

Ndipo yanenanga mizinda yo, “Uyu ndi mchimi Yesu, waku Nazarete waku Galilie.”

Mateyu 21:9

Ndipo mizinda yakudanjiya ndi yakurondo yabongonga, yakuti, “Hosana, Mwana waku Davidi! Ngwakutumbikika yo watuziya mu zina la Mbuya, Hosana mu mdengwendi!”

Mateyu 26:71

Ndipo wati watuliya kubwaro ku likomu, munthukazi munyake wangumuwona, ndipo watiti kwaku wo ŵenga kweniko, “Mwenuyu nayo wenga pamoza ndi Yesu waku Nazarete.”

Mateyu 9:27

Ndipo wachirutiriya Yesu, ŵangumrondo ŵachiburumutiya ŵaŵi, ŵakubongo ndi ŵakuti, “Tifwiyeni lisungu, mwa mwana waku Davidi.”

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Luka 4:16

Ndipo wanguza ku Nazarete, kweniko wangulereka: ndipo wangusere mu sinagoge mwa karusu kake pa zuŵa la Sabata, ndipo wangusoka kwachiŵerenga.

Yohane 1:46

Natanaele wangumnene, “Ku Nazarete kungatuwa kanthu kamampha nthu?” Filipu wamunene, “Zanga uziwone.”

Yohane 19:19

Pilato wangulemba lembedu nalo, ndipo ŵanguliŵika pa mphinjika yo. Kungulembeka, YESU WAKU NAZARETE, KARONGA WA ŴAYUDA.

Yohane 7:41

Ŵanyake ŵatinge, “Mwenuyu ndi Kristu.” Kweni ŵanyake ŵatinge, “Awa na, kumbi Kristu watuwa ku Galile?

Yohane 7:52

Wangwamuka, ŵangunena nayo, “Kumbi nawe so we waku Galile? Penja, ndipo ukawonanga kuti ku Galile kuti wayuka mchimi cha.” [

Machitidu gha Ŵakutumika 6:14

chifukwa tamuvwa wachikamba kuti Yesu waku Nazareti mwenuyu wakabwanganduwanga malo ghano, ndipo wakasanduskanga, marusu ghenigho Mosese wangupereka kwaku ifwe.”

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”