Marko 10:45 - Tonga Bible 1986

⁴⁵ Chifukwa Mwana wa munthu nayo kuti wanguza kuzachiteŵeteke cha, kweni kuzachiteŵete, ndi kupereka umoyo wake thumba lapa ŵanandi.”

Marko 10:45 Iomraidhean Croise

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Mateyu 20:28

ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”

Marko 10:44

ndipo yose yo wakhumba kuŵa wachimoza mwaku imwe, waŵe muŵanda waku wose.

Yohane 10:15

Nge ndimo ŵatindiziŵiya Ada, ine nane ndituŵaziŵa iwo; viyo so ndimu ndiziŵiya mberere zangu, ndipo sangu ziziŵa ine; chifukwa ichi ndiŵika pasi umoyo wangu pa chifwa cha mberere zo.

Yohane 13:14

Viyo asani ine, Ambuya ndi Msambizgi, ndasambiska marundi ghinu, namwe mutenere kusambiskana marundi.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

ŴaGalatia 3:13

Kristu watiwombo ifwe ku tembo la chilangulu cho, pakuŵa wakutembeka pa chifukwa chidu: chifukwa kwalembeka, “Ngwakutembeka yose yo ngwakupayikika pa muti”:

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaHebere 5:8

Chingana wenga Mwana, wangusambira mvwiyu mwaku vyo wangukomwa;

1 Petro 1:19

kweni ndi ndopa zakuzirwa, uli za mwanamberere wambura kalema ndi wambura banga, ndopa nazo zaku Kristu: