Marko 10:30 - Tonga Bible 1986

³⁰ yo warekenge kuronde vya machumi pe chumi sono munyengo yeniyi, zinyumba, ndi ŵabali, ŵazichi, ŵanyina, ŵana, ndi minda, pamoza ndi masuzgu, ndi kuti mu mgonezi wo utuza umoyo wamuyaya.

Marko 10:30 Iomraidhean Croise

2 Mikoka 25:9

Ndipo Amaziya wanguti ku munthu waku Chiuta, “Kweni tikachitanga chine ndi matalente gha siliva machumi pe chumi (100) gho ndapaska ku ŵankhondo ŵaku Yisraele?” Munthu waku Chiuta wangwamuka, kuti, “Ambuya aziŵa kukupaska matalente ghanandi kwakuruska yagha.”

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Nthanthi 16:16

Kusaniya zeru nkhwamampha kwakuruska golide kusaniya kuwamo nkhwamampha kwakuruska siliva.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Mateyu 12:32

Ndipo yose yo wanganena mazu ghaheni pa Mwana wa munthu, kugowokelekiyenge iyo; kweni yose yo wangakamba pa Mzimu Wakupaturika yo, kuti kugowokelekiyenge iyo cha, chingana ndi mu umoyo uno, chingana ndi mwaku wo utuza.

Mateyu 13:8

Kweni zinyake zinguwa pa nyata yamampha, ndipo zingupasa vipasi, zinyake machumi pe chumi, zinyake machumi ghankhonde ndi limoza, ndi zinyake machumi ghatatu.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Luka 18:30

mweniyo warekenge kuronde vinandiku munyengo iyi, ndi mu mgonezi wo utuza umoyo wamuyaya.”

Yohane 10:23

ndipo Yesu wendanga mu kasopi, mu khondi laku Solomone.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Machitidu gha Ŵakutumika 16:25

Ndipo ndi usiku pakati Paulo ndi Sila ŵarombanga ndi ŵambiyanga zisumu kwaku Chiuta, ndipo ŵamikoli ŵaŵavwanga,

Machitidu gha Ŵakutumika 5:41

Viyo iwo ŵangutuwa ku upu wo, ŵakukondwere pakuti ŵangupima kuti ŵenga ŵakwenere kukomwa ndi kurengeskeka chifukwa cha zina lo.

ŴaRoma 5:3

Weni ukongwa titumbwiya so mu masuzgu ghidu: pakuziŵa kuti suzgu yitata unkhunthiya;

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

1 Timote 6:6

Kweni uwopa Chiuta pamoza ndi kukoroka mu mtima mbuparauzi ukuru:

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Yakobe 5:11

Awonani, tiwapima ŵamwaŵi wo ŵangukunthiyapo. Nwavwa ndi unkhunthiya wo waku Yobu, ndipo mwaona mo Ambuya wanguufiskiya, pakuti Ambuya mbachitima ukongwa ndi wachifundu.

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

Chivumbuzi 2:9

“ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

Chivumbuzi 3:18

Chifukwa ichi ndikupangizga kugula kwangu golide lakwengeka mu moto, alinga kuti usambase: ndi minjirira yituŵa kuti ujivwarike, mwakuti soni ya unkhuli wako yireke kurongoreka: ndi munkhwara wa kupaka mumaso ghako, alinga kuti ulereske.