Marko 10:22 - Tonga Bible 1986

²² Kweni iyo wangubwanthuska chisku pa mazu yagha ndipo wanguruta wachisungu: chifukwa wenga nawo usambasi unandi.

Marko 10:22 Iomraidhean Croise

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Mateyu 19:22

Kweni jaha lo, lati lavwa mazu gho linguruta lachisungu ukongwa; chifukwa lenga ndi usambasi unandi.

Mateyu 27:3

Sono Yuda, yo wangumpachiya, wachiwona kuti wasuskika, wangujipezga, ndi wanguwezge ŵazukuru ŵara ndi ŵara vyasiliva vyo machumi ghatatu,

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 10:23

Ndipo Yesu wati walereska kwakuzunguliya, wanguŵanene ŵasambizi ŵake, “Nkhwaunononu mbwenu ku ŵasambasi kusere mu ufumu waku Chiuta.”

Marko 6:20

chifukwa Herode wamopanga Yohane, pakumziŵa kuti wenga munthu murunji ndi wakupaturika, wamsungirizganga waka. Ndipo wachimuvwa wazizikikanga ukongwa; kweni wamuvwanga kwakukondwere.

Marko 6:26

Ndipo karonga wanguŵa wachitima ukongwa, kweni chifukwa cha marapu gho, ndi chifukwa cha ŵakuja pa kurgha, kuti wangukhumba kumkaniya cha.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Luka 18:23

Kweni wachivwa vyenivyo iyo, wanguŵa wachitima ukongwa; chifukwa wenga mromba ukongwa.

2 ŴaKorinte 7:10

Chifukwa chitima chakuchiri kwaku Chiuta chitata chipe chakurata ku utaski, chenicho kuti chilengeska cha kweni chitima cha charu chibara nyifwa.

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

2 Timote 4:10

chifukwa Demase wandisiya, wati wanja mgonezi wasono, ndipo waruta ku Tesalonika; Kreskeno nayo ku Galatia, Tito ku Dalmatia.