Marko 10:21 - Tonga Bible 1986

²¹ Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 10:21 Iomraidhean Croise

Chiyambo 34:19

Ndipo munyamata kuti wanguswera cha kuchichita cho chinthu, chifukwa wenga walikondwa mu mwana waku Yakobe. Iyo wenga wakulonde ulemu kwakuruska wose pa nyumba yake.

Nthanthi 23:23

Gula uneneska, ndipo ungauguliskanga cha; gula zeru, kusambizga ndi kuwamo.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 19:21

Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”

Marko 10:22

Kweni iyo wangubwanthuska chisku pa mazu yagha ndipo wanguruta wachisungu: chifukwa wenga nawo usambasi unandi.

Marko 8:34

Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Luka 10:42

kweni kwe msowu wa chimoza: ndipo Mariya watondo chigaŵa chamampha cho, chenicho kuti chituzgikengeko kwaku iyo cha.”

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Luka 16:9

Ndipo ine ndikuneniyani, jichitiyeni ŵabwezi ndi chuma cha uwura-urunji, alinga kuti, penipo chingapereŵe ŵangamrondeni mu mahema ghamuyaya gho.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 19:41

Ndipo pakuŵandika, wati wawona msumba wo, wanguliriya pake,

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Machitidu gha Ŵakutumika 2:45

ndipo ŵasaskanga viŵetu ndi vyuma vyawo ndipo ŵanguvigaŵiya kwaku wose, uli ndimo munthu we yose wangukavukiya.

2 ŴaKorinte 12:15

Ndipo kwakukondwere limu ine ndimarenge vyo ndenavyo ndipo ndimarizgikenge pa chifukwa cha mizimu winu. Kumbi asani nako nditukwanjani ukongwa, kumbi ine ndanjiwenge kamanavi?

2 Timote 3:12

Nadidi, ndipo wose ŵakukhumba kujariya kwauwopa Chiuta mvyaku Kristu Yesu ŵayuzgikenge.

ŴaHebere 10:34

Chifukwa mungufwiya so lisungu ŵamagoŵa wo, ndipo mungukunthiyapo kwakukondwa muskowu wa viŵetu vinu, pakuziŵa kuti mwaŵeni mwe ndi chiŵetu chamamphako ndi chakujaririya.

Yakobe 2:10

Chifukwa yose yo wakorezenge dangu lose, kweni waguŵenge mu limoza, waŵa wakalema mwaku ghose.

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

Chivumbuzi 2:4

Kweni cho ndimikana ndi iwe nchakuti wareka chanju chako chakudanga.