Marko 10:17 - Tonga Bible 1986

¹⁷ Ndipo wachituliya iyo ku nthowa, wanguchimbiriyako yumoza, ndipo wakumlambiya wangumfumba, “Msambizgi wamampha, nkhachitanga chine kuti ndihare umoyo wamuyaya.”

Marko 10:17 Iomraidhean Croise

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Mateyu 17:14

Ndipo ŵanguti ŵaza ku mzinda wo, kunguza kwaku iyo munthu wakumlambiya, wakuti,

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Mateyu 28:8

Ndipo ŵangutuwako ruŵi ku muunda ndichopu ndi chimwemwe chikuru; ŵanguchimbiya kwachitauliya ŵasambizi ŵake.

Marko 1:40

Ndipo ŵangumziya ŵamakhate, ŵakumuŵeyere ndi ŵakumlambiya, ŵangunena nayo, “Asani mukhumba, mwe ŵanthazi kunditozga.”

Marko 10:18

Kweni Yesu wangumnene, “Chifukwa chine utindizumbuwa wamampha? Palive wamampha kweni yumoza, ndiyo Chiuta.

Marko 12:14

Ndipo ŵanguti ŵaza ŵanguti, “Msambizigi, tiziŵa kuti ndimwe muneneska, ndi kuti muphwere yumoza cha: chifukwa kuti mulereska chisku cha ŵanthu cha, kweni kwakuneneksa musambizga nthowa yaku Chiuta: kumbi kuyamu kupaska msonkhu kwa Kaisare, pamwenge awa?

Marko 9:25

Ndipo Yesu wachiwona kuti mzinda uchimbiriya pamoza, wanguchenya mzimu wo wawiyu, wakunena nawo, “Mzimu wambura kurongoro ndi wamgota we, ndikulanguliya, tuwamo mwake, ungaserengamo so cha.”

Luka 10:25

Ndipo onani, wamarangu ngana wangusoka, wakumwesa, wakuti, “Msambizgi, nkhachitanga chine kuti ndihare umoyo wamuyaya?”

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Machitidu gha Ŵakutumika 16:30

ndipo pakuŵatole kubwaro, wanguti, “Mafumu nditenere kuchita chine, kuti nditaskike?”

Machitidu gha Ŵakutumika 2:37

Ndipo ŵachivwa, ŵanguchontheka mu mtima, ndipo ŵangunene Petro ndi ŵakutumika ŵanyake, “Mwaŵanthu mwaŵabali, tichitengenji?”

Machitidu gha Ŵakutumika 20:32

Ndipo sono ndikuseserekezgani kwaku Chiuta, ndi ku mazu gha wezi wake, kwaku mweniyo ngwanthazi kukuzengani, ndi kukupaskani chihara mwaku wose ŵeniwo ŵapaturiskika.

Machitidu gha Ŵakutumika 9:6

kweni soka, ndi sere mu msumba wo, ndipo kwamkambika kwako chenicho utenere kuchita.”

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

Tito 3:7

alinga kuti, pakurunjiskika ndi wezi wake, tiŵenge ŵakuhara kwakulingana ndi chigomekezgu cha umoyo wamuyaya.

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

1 Petro 1:4

ndi so ku chihara chambura mawoleka, ndi chambura banga, ndi chambura mafoteka, chakuŵikikiya imwe kuchanya,

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.