Marko 10:14 - Tonga Bible 1986

¹⁴ Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

Marko 10:14 Iomraidhean Croise

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

Sumu 78:4

Kuti, tivibisenge ku ŵana ŵidu cha, kukonkhome mgonezi wo utuza; vya milimu ya nthazi ya Ambuya ndi mazaza ghawo, ndi vinthu vyakuziziswa vyo achita.

Yesaya 65:23

Kuti ŵakatakatakanga kwa ŵakacha, pamwenga ŵana ŵakupapiya chisungu cha; chifukwa ŵakaŵanga ŵana ŵakutumbikika ŵa Ambuya ndi ŵana ŵawo pamoza nawo.

Maŵerengedu 14:31

Kweni malitema ghinu gho mwatinge ghakaŵanga miskowo, yigho ndikaghaserezganga, ndipo ghakachiziŵanga charu cho imwe mwayuyuwa.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Mateyu 18:4

Viyo yose wakujiyuyuwa nge nkhana yaka ndi mura mu ufumu wa kuchanya.

Mateyu 19:14

Kweni wanguti Yesu, “Tirekeni twana, mungatukanizganga cha kuza kwaku ine; chifukwa ngwa twaviyo ufumu wa kuchanya.”

Mateyu 5:10

“Mbakutumbikika ŵakuŵembeka chifukwa cha urunji: pakuti ngwawo ufumu wo wa kuchanya.

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Marko 3:5

Ndipo wakuŵalereska kwakuzunguliya ndi chikwiya, wangukwininika pa unononu wa mitima yawo, ndipo watiti ku munthu yo, “Tambasuwa janja lako lo.” Ndipo wachatambasuwa, janja lake linguweremo.

Marko 8:33

Kweni iyo wangung'anamuka, ndi wakuwona ŵasambizi ŵake, wangumuchenya Petro, wanguti, “Kanga kuvuli kwangu, Satana; chifukwa kuti usuŵiriya vyaku Chiuta cha, kweni vya ŵanthu.”

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:5

Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Machitidu gha Ŵakutumika 2:39

Chifukwa chipanganu cho che kwaku imwe, ndi ku ŵana ŵinu, ndi kwaku wose ŵakutari, wose wo wangajidaniya Mbuya Chiuta widu.”

Machitidu gha Ŵakutumika 3:25

Imwe mwe ŵana ŵa ŵamchimi wo, ndi ŵa chipanganu cho wangupangana Chiuta ndi auskemwe, wachikamba ndi Abrahamu, ‘Mu mbeu yako ndimo zamtumbikikiya mbumba zose za panupasi.’

ŴaRoma 11:16

Ndipo asani chigaŵa chakudanga cha chiŵande nchakupaturika, iku chiŵande chose nchakupaturika; ndipo asani nkhorozu njakupaturika mphanda nazo zipaturika.

ŴaRoma 11:28

Kuchiri ku evangeli, mbamawongu chifukwa chaku imwe. Kweni kuchiri ku sankhu lo, mbakwanjiwa chifukwa cha ŵauskeu.

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

1 ŴaKorinte 7:14

Chifukwa munthurumi yo wambura kuvwana wapaturiskikiya mu muwoli wake, ndipo muwoli yo wambura kuvwana wapaturiskikiya mu mrumi wake; asani kuti kenga viyo cha, mphanyi ŵana ŵinu ŵenga ŵambura kutowa; kweni sono mbakupaturika.

ŴaEfeso 4:26

Tundiyani, ndikweni mungalakwanga cha: pa chikaralizga chinu lingasere dazi cha:

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

2 Timote 1:5

Ndichikumbuka chivwanu chamwako chamburafuzi, chenicho chinguja danga mu ambuyako Loisi, ndi mu anyoko Enike, ndipo ndiziŵa kuti che mwako so.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

Yoswa 8:35

Pengavi mazu ghakukambika ndi Mosese gho ghengavi kuŵerengeka ndi Yoswa paurongo pa mzinda wose wa ŵaYisraele, ŵanthukazi, ŵana ndi ŵalendo wo ŵajanga mukati mwawo.

1 Petro 2:2

nge mbamjedu ŵakuwa sono, fwenkhiyani mkaka wo wamzimu wambura jufyu, alinga kuti mwaku weniwo mukuliyenge ku utaski,

Chivumbuzi 14:5

Ndipo mu mlomo wawo mwengavi kusanirika utesi, pakuti mbazira kafukwa.

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

1 Samuele 1:22

Kweni Hana kuti wanguruta nawo cha, wangunene murumi wake kuti, “Po mwana wakarekiyanga konkha, ndipo ndi mutonge mwakuti wakawoneke pa maso pa Ambuya, ndipo wamuja kwenikuwa nyengo yose.”