Luka 7:2 - Tonga Bible 1986

² Ndipo mteŵeti waku kenturione ngana, mweniyo wenga wakuzirwa kwaku iyo, watamanga ndi wakhasangakufwa.

Luka 7:2 Iomraidhean Croise

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

Chiyambo 35:8

Ndipo Debora, mulezi waku Rebeka wangufwa, ndipo wanguŵikika kusi ku muti wa nthunthu pa sendemu la Betele; viyo zina lake lingudanika Aloni-bakutu.

Jobu 31:5

“Asani ndenda ndi utesi, ndipo rundi langu lathaŵiriya ku upusikizgi;

Nthanthi 29:21

Mweniyo wahiŵa mteŵeti wake kwamba ku wana, paumali wawonenge kuti ndiyo muhari.

Mateyu 27:54

Kweni kenturione yo, ndi wo ŵapamoza nayo ŵakulindizga Yesu, wachiwona chiyeuyeu ndi vyo vinguŵapo ŵangopa ukongwa, ndipo ŵanguti, “Nadidi mwenuyu ndi Mwana waku Chiuta.”

Luka 23:47

Ndipo nduna yo, yichiona cho chinguŵapo, yamkankhuskanga Chiuta, yakuti, “Nadidi munthu mwenuyu wenga murunji.”

Luka 7:1

Ndipo penipo wangufiska ghose makani ghake mu chipulikizgu cha khamu lo, wangusere mu Kapernaumu.

Luka 7:3

Ndipo wanguti wavwa vyapaku Yesu, wangutumizga kwaku iyo ŵara ŵa ŵaYuda, wakumpempha kuti wazichizge mteŵeti wake.

Luka 8:42

pakuti wenga nayo mwanamunthukazi, yumoza pe, akhumba wa virimika chumi ndi viŵi, ndipo iyo waziririkanga. Ndipo po warutanga mizinda yo yamfinyirizganga.

Machitidu gha Ŵakutumika 10:1

Ndipo kwenga mu Kaisarea munthurumi yumoza, zina lake Kornelio, Kenturione wa liŵanja, lakudanika la Italia,

Machitidu gha Ŵakutumika 10:7

Ndipo wachiruta mungelo yo wangurongoro nayo, wangudana ŵaŵi ŵa ŵamunyumba yake, ndi wankhondo msopa, waku wo ŵamlindanga rutaruta;

Machitidu gha Ŵakutumika 22:26

Ndipo wati wavwa kenturione yo, wanguruta ndi kutauliya nduna yira yo, wakuti, “Mukhumba kuchitanji? Chifukwa uyu munthu ndi muRoma.”

Machitidu gha Ŵakutumika 23:17

Ndipo Paulo wangudana yumoza wa ŵakenturione wo, ndipo wanguti, “Rongozga jaha lenili ku nduna yira; chifukwa we nako kanthu kwachimunene.”

Machitidu gha Ŵakutumika 27:1

Ndipo penipo kungutemeka kuti tilowoke ifwe ku Italia, ŵangupereka Paulo ndi so ŵamagoŵa ŵanyake ku kenturione, zina lake Julio, wa liŵanja laku Augusto.

Machitidu gha Ŵakutumika 27:3

Ndipo lamlenji tingukwezga ku Sidoni, kweniko Julio yo wangumchitiya Paulo kwaulemu, ndi kumzomerezga kuya ku ŵabwezi ŵake kwachiphwerereka ndi iwo.

Machitidu gha Ŵakutumika 27:43

Kweni kenturione yo, pakukhumba kumtaska Paulo, wanguŵakanuwako ku khumbu lawo; ndipo wangulangula kuti wo ŵangaziŵa kusambira, ŵabire mu nyanja ndi kuya ku mtunda:

ŴaKolose 3:22

Mwaŵaŵanda, mwaku vyose vwiyani ambuyamwe ŵamu charu; mu kutakataka kwapa maso pe nge mbabukondweska ŵanthu cha kweni mu wanangwa wamtima, pakumopa Mbuya.