Luka 2:11 - Tonga Bible 1986

¹¹ pakuti wakuwiyani le, mu muzi waku Davidi, Mtaski mweniyo ndi Kristu Mbuya.

Luka 2:11 Iomraidhean Croise

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Sumu 2:2

Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Mateyu 1:16

ndipo Yakobe wangupapa Yosefe mrumi waku Mariya, mwaku mweniyo wangupapika Yesu, yo wazumbulika Kristu (lo ling'amuwa kuti wakupakika).

Mateyu 1:21

Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Mateyu 16:20

Sono wangulanguliya ŵasambizi ŵake kuti ŵangamunene yumoza cha kuti iyo ndi Kristu.

Luka 1:43

Ndipo kwaku ine chaziya nunkhu chenichi, chakuti waziye kwangu nyina wa Mbuyangu?

Luka 1:69

Ndipo watisoske mtaski wanthazi, mu nyumba yaku Davidi, mhurwa wake

Luka 2:26

Ndipo kunguvumbulikiya iyo ndi Mzimu Wakupaturika, kuti wangawona nyifwa cha wandawone Kristu wa Mbuya.

Luka 2:4

Ndipo Yosefe nayo, kutuwa ku Galile, ku muzi Nazarete, wangukwere ku Yuda, ku muzi waku Davidi, wo uzumbulika Betelehemu, chifukwa kuti wenga wamunyumba ndi wa mbumba yaku Davidi;

Yohane 1:41

Mweniyo po wanguti wasaniya danga mkuwake Simoni, wangumnene, “Tamsaniya Mesiya” (cho cing'anamuwa Kristu).

Yohane 1:45

Filipu wangusaniya Natanaele, wangumnene, “Tamsaniya yo Mosese wangulemba pake mu langulu ndi so ŵamchimi, Yesu waku Nazarete, mwana waku Yosefe.”

Yohane 11:27

Wamnene, “Inya, Ambuya, ine ndavwana kuti imwe mwe Kristu, Mwana waku Chiuta, yo watuza mu charu.”

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 4:25

Wamnene munthukazi, “Ndiziŵa kuti watuza Mesiya (wakutamulika Kristu) penipo waza iyo, wazamkutitauliya pakweru vinthu vyose.”

Yohane 4:42

Ndipo ku munthukazi yo ŵatinge, “Sono tivwana pa chifukwa cha makani ghako pe cha: kweni pakuti taŵeni tijavwiya, ndipo taziŵa kuti kwakuneneska mwenuyu ndi Mtaski wa charu.”

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Yohane 7:41

Ŵanyake ŵatinge, “Mwenuyu ndi Kristu.” Kweni ŵanyake ŵatinge, “Awa na, kumbi Kristu watuwa ku Galile?

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Machitidu gha Ŵakutumika 13:23

Mu mbeu yaku mweniyo Chiuta wangutole Yisraele kwakulingana ndi chipanganu, Mtaski, Yesu,

Machitidu gha Ŵakutumika 17:3

wakutoro ndi wakusimikizga kuti kungwenere Kristu kukomwa, ndi kuyukako ku ŵakufwa; ndipo kuti, “Mweniyo Yesu, yo ndikutauliyani ine, ndi Kristu.”

Machitidu gha Ŵakutumika 2:36

“Yiziŵepo kaunthu viyo nyumba yose yaku Yisraele kuti Chiuta wamchita Mbuya ndi so Kristu, Mwenuyu Yesu yo imwe mungupayika.”

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

1 ŴaKorinte 15:47

Munthu yo wakudanga ngwa pasi, ngwadongu: munthu yo wachiŵi ngwa kuchanya.

ŴaFilipi 2:11

ndipo kuti lilime lose lizomerezge kuti Yesu Kristu ndi Mbuya, ku unkhankhu waku Chiuta Dada.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

ŴaKolose 2:6

Viyo uli ndimo mungurondere Kristu Yesu Ambuya, ndimo mujariyenge mwaku iyo,

1 Yohane 4:14

Ndipo tawona ifwe, ndipo tisimikizga kuti Dada watuma Mwana wake kuŵa Mtaski wa charu.

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.