Luka 16:3 - Tonga Bible 1986

³ Ndipo mlinda-nyumba yo wangunena mwaku yija, ‘Ndichitenge chine, pakuti mbuya wangu watuzgako kwangu ulinda wo? Kuti nde ndi nthazi cha kukumba mazenji; kupempha ndilenga soni.

Luka 16:3 Iomraidhean Croise

Estere 6:6

Viyo Hamani wangusere. Karonga wangufumba, “Kumbi chingamuchitikiya chine munthu yo karonga wakondwa nayo kumtumbika?” Ndipo Hamani wangurunguruka mu mtima wake, “Kumbi wangaŵa so yani yo karonga ngwakukondwa nayo kuti wamchitiye ulemu wakuruska ine?”

Nthanthi 13:4

Mzimu wa mukata upemphapempha ndipo kuti uronde kanthu cha, penipo mzimu wa wakutakataka upaskika usambasi.

Nthanthi 15:19

Nthowa ya mukata yiŵinda ndi minga, kweni gurwi wa wakunyoroka ngwachiwande.

Nthanthi 18:9

Mweniyo ngwakudembeleka munchitu yake ndi mwana munyake waku yo waparghang'a.

Nthanthi 19:15

Ukata utaya mutulo tuzitu, ndipo munthu mulesi wakakomwanga ndi nja.

Nthanthi 20:4

Mukata kuti walima pa chihanya cha, wakapenjanga pakuvuna ndipo wakaŵangavi kanthu.

Nthanthi 29:21

Mweniyo wahiŵa mteŵeti wake kwamba ku wana, paumali wawonenge kuti ndiyo muhari.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Hoseya 9:5

Mukachitanga chine pa zuŵa lakusankhika lakukondwere ndi pa zuŵa la dghera la Ambuya?

Mateyu 20:8

Kweni ghati ghaŵa mazuro, mwenimunda wangumunene mlinda wake, ‘Dana ŵanchitu, uŵalipire mphotu, kwanda ku ŵakumariya mpaka ku ŵakudanga.’

Marko 10:46

Wanguza ku Yeriko: ndipo wachituwa ku Yeriko, ndi ŵasambizi ŵake pamoza ndi mzinda ukuru, mwana waku Timeyu, Bartimeyu, mpempha wachiburumutiya wajanga mumphepete mu nthowa.

Luka 12:17

ndipo wajipimiyanga mwaku yija, wakuti, ‘Ndichitenge chine, pakuti ndirive po nkharonganga vipasi vyangu?’

Luka 16:2

Ndipo wanguti wamdana, wanguti kwaku iyo, ‘Nchine chenichi nditukuvwiya? Wezga makani gha ulinda wako; chifukwa kuti ungaziŵa kulinda nyumba so cha.’

Luka 16:20

ndipo kwengaso mukavu yumoza, ndi zina Lazaro, wakumatika vironda, mweniyo watolekiyanga pakhomo la msambasi,

Luka 16:22

Ndipo kunguŵa kuti mpempha yo wangufwa, ndipo wangunyamulikiya ndi ŵangelo ku chipakatu chaku Abrahamu, ndipo msambasi nayo wangufwa, ndipo wanguŵikika.

Luka 16:4

Ndiziŵa cho ndichitenge, alinga kuti, penipo ndingatuzgika mu ulinda wo, ŵangandironde mu nyumba zawo.’

Luka 18:4

Ndipo kwa nyengo kuti wakhumbanga cha: kweni pavuli po wanguti mwaku yija, ‘Chingana kuti nditopa Chiuta cha, chingana kuti ndiphwere munthu cha;

Yohane 9:8

Viyo ŵanase, ndi wo ŵamwonanga kali kuti wenga mpempha, ŵanguti, “Asi uyu ndi mweniyo wajanga pasi wakupempha?”

Machitidu gha Ŵakutumika 3:2

Ndipo munthu ngana, yo wenga mkwakwa kutuwa ku kawi kake, wanyamulikanga, ndi wajarikikanga zuŵa ndi zuŵa pa likomo la kasopi, lakuzumbulika Thora, kwachipempha kawezi ku ŵakusere mu kasopi.

Machitidu gha Ŵakutumika 9:6

kweni soka, ndi sere mu msumba wo, ndipo kwamkambika kwako chenicho utenere kuchita.”

2 ŴaTesalonika 3:11

Chifukwa tituvwa kuti ŵanyake mbakwendaenda mwaku imwe kwaukata wakutata mlimu cha, kweni wamwendanatu.