Luka 1:6 - Tonga Bible 1986

⁶ Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Luka 1:6 Iomraidhean Croise

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 6:9

Izi ndi mphapu zaku Nowa. Nowa wenga munthu murunji, wambura kalema mu mgonezi wake; Nowa wangwenda ndi Chiuta.

Chiyambo 7:1

Ambuya anguti kwaku Nowa, “Ghe mu chombo ŵamu nyumba yako wose, pakuti ndawona kuti wemukongolekwa paurongo pangu mu mgonezi uwu.

1 ŴaKaronga 15:5

chifukwa Davidi wanguchita chenicho chenga chakurunjika mu maso gha Ambuya, ndipo kuti wangung'anamukiya kunyake cha kwaku chose cho wangumulanguliya mazuŵa ghose gha umoyo wake, kweni mu chifukwa chaku Uriya pe mu Hiti yo.

1 ŴaKaronga 9:4

Ndipo kwaku iwe, asani ukendanga paurongo pangu ulaka ndimo Davidi auso ŵangwende, mu ukongorekwa wa mtima ndi kunyoroka, kuchita kwakulingana ndi vyose vyenivyo, ndakulanguliya, kusunga marangu ghangu ndi vyeruzgu vyangu,

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

2 Mikoka 17:4

Kweni wangupenja Ambuya Chiuta wa awiske, wangwenda mu marangu ghake, kwambura kwenda mu nthowa zaku Yisraele.

Jobu 1:1

Kwenga munthu mu charu cha Uzu, yo zina lake lenga Jobu; munthu uyu wenga murunji ndi wakaunyoloka, wangopa Chiuta ndi wangutinkha uheni.

Jobu 1:8

Ndipo Ambuya anguti kwaku Satana, “Kumbi wamsanda muteŵeti wangu Jobu kuti mulive mu charu wakuŵa nge ndiyo, munthu wambura kalema, ndi murunji yo watopa Chiuta ndi wakupatukako ku uheni?”

Jobu 9:2

“Nadi, ndiziŵa kuti kwe viyo. Kweni munthu wangaziŵa uli kuŵa murunji pa maso paku Chiuta?

Sumu 119:6

Asani ndiphwere visimisimi vinu vyose, ipo kuti ndikalengeskekanga cha.

Luka 1:7

Ndipo ŵengavi mwana, chifukwa Elizabeti yo wenga chumba, ndipo ŵaŵi viyo ŵenga ŵakugonera mu mazuŵa ghawo.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Luka 2:25

Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Machitidu gha Ŵakutumika 2:25

Chifukwa Davidi watiti ndi iyo, ‘Ndathoŵanga Ambuya paurongo pangu nyengo zose; pakuti we ku marghe kwangu, alinga kuti ndingasukunika cha.

Machitidu gha Ŵakutumika 23:1

Ndipo Paulo, wakuti dodoli pa upu wo, wanguti, “Mwa ŵabali, ine ndajariya mu njuŵi yose yamampha paurongo paku Chiuta mpaka zuŵa lino.”

Machitidu gha Ŵakutumika 24:16

Mwaku chenichi nacho nane ndilimbiya kuŵa ndi njuŵi zambura kalema kuchiri kwaku Chiuta ndi ku ŵanthu nyengo zose.

Machitidu gha Ŵakutumika 8:21

Kuti we nacho iwe cha chigaŵa pamwenga mphenduzga mu mazu yagha: chifukwa mtima wako ulive kurunjika paurongo paku Chiuta.

ŴaRoma 8:4

Chiuta wanguchita yichi mwakuti cha urunji cha langulu chifiskike mwaku ifwe, taŵeni fweti ja kwakuyana ndi Mzimu, kwakuyana ndi kaŵiro ka unthu cha.

1 ŴaKorinte 11:2

Sono ndimrumbani kuti mu vinthu vyose mwandikumbuka, ndi kuti mwasungirizga midauku yo, uli ndimo ndinguyipereke kwinu.

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

ŴaFilipi 2:15

alinga kuti muŵe ŵambura masumulika ndi ŵazizimu, ŵana ŵaku Chiuta ŵambura kalema mukati mu mgonezi wakunyongoroka ndi wakupuruska, mwaku wo muwoneka ulaka ndi vyenje me charu,

ŴaKolose 1:22

kweni sono wamsopaniskiyani mu liŵavu lake la unthu mu nyifwa, kwachimperekani ŵakhovu ndi ŵambura kalema ndi ŵambura masumulika pa maso pake,

1 ŴaTesalonika 3:13

alinga kuti akhozge mitima yinu yizira-kalema mu upaturika paurongo paku Chiuta widu Auskefwe, pa uzi wa Ambuyafwe Yesu pamoza ndi ŵakupaturika ŵake wose.

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

1 Yohane 3:7

Mwatwana twangu, munthu wangamrandizgani kose cha: yo ngwakuchita urunji ndi murunji uli ndimo waliri murunji Yuwa.