Hoseya 8:8 - Tonga Bible 1986

⁸ Yisraele wamezeka; we mukati mu mitundu nge nchiyaŵi chaŵakaŵaka.

Hoseya 8:8 Iomraidhean Croise

2 ŴaKaronga 18:11

Karonga wa Asiriya wanguyora kuruta nawo ŵaYisraele ku Asiriya, wanguŵaŵika mu Hala, ndi pa Haboro, msinji wa Gozani, ndi mu misumba ya ŵaMede,

Yesaya 30:14

ndipo kusweka kwake kwe nge nchiŵiya cha muumbi cho chaphwanyika kwambura lisungu, viyo kuti mutivimbanduka twake nanga nkhazinga kamoza kuti kangasanirikapo cha ko kangaŵa kakupariya moto pa chipa, pamwenga kuneghiyako maji pa chisima.”

Yeremiya 22:28

Kumbi uyu munthu Konia ngwakunyozeka, nchiŵiya chakusweka, nchiyaŵi chambura kuchiphwere munthu? Chifukwa chine iyo ndi ŵana ŵake ŵadikiskika ndi kutayikiya mu charu cho ŵalivi kuchiziŵa?

Yeremiya 25:34

“Mwenjerwe, imwe ŵaliska; ndipo liyani, kunkhurukani mu vyoto, imwe ŵambuyawo ŵa mskambu, pakuti mazuŵa gha kubayika kwinu ndi kumbininiskika ghafika, ndipo mukaŵanga nge mbabira ŵakusankhika.

Yeremiya 48:38

Pachanya pa nyumba zose za Moabu ndi mu maluluwa mose kuti mwe kanthu so kanyake cha kweni kutenje pe; pakuti ndaswa Moabu nge nchiyaŵi chenicho palivi yumoza wakuchiphwere, atiti Ambuya.

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 51:34

“Nebukadanezara karonga wa Babiloni wandirgha ine, wandiphwanya; wandichita kuŵa chiyaŵi chiyumu, wandimeza ulaka ncha nchalinda: wazaza nthumbu yake ndi vyakunowa vyangu, wandikana ine.

Chitenje 2:16

Ŵakupindikana ŵako wose ŵakuyukiya, ŵajuma ŵake kechuwa minyu ghawo, ŵabangula: “Tamubwanganduwa! Oho, zuŵa ili ndilo tanwekanga; sono te nalo; titiliwona!”

Chitenje 2:2

Ambuya abwanganduwa kwambura lisungu mizi yose yaku Yakobe; mu ukari wawo abwanganduliya pasi malinga gha misumba, yaku Yuda; asiskiya pasi mu muyuyu ufumu ndi weruzgi wake.

Chitenje 2:5

Ambuya asanduka nge mbakupindikana, abwanganduwa Yisraele; abwanganduwa nyumba zake zose za ufumu, malinga ghake ghose apasuwa, ndi andaniska kutenje ndi kuliya mu charu chaku Yuda.

Chitenje 4:2

Ŵana ŵakuzirwa ŵa Zioni, ŵakuzirwa nge ndi golide wakwengeka, mo ŵang'anamukiya nge ndi viŵiya, nchitu ya janja la muumbi!

Chitenje 5:2

Chihara chidu chang'anamulikiya ku ŵalendo, nyumba zidu ku ŵamwenda nthowa.

Ezekiele 36:3

chifukwa cho, chima, unene kuti, viyo atiti Ambuya Chiuta: Chifukwa, inya chifukwa chakuti ŵangukuchitani phasulu, ŵangukubwanganduwani kose kose, mwakuti mungusanduka chihara cha ŵamitundu wo ŵakujako, ndipo munguŵa mu mlomo ndi kunyozeka kuheni ndi ŵanthu,

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

ŴaRoma 9:22

Kweni na kwati asani Chiuta, chingana wakhumba kurongo kandundu kake ndi kusimikizga nthazi yake, mu kuzuzipizga kukuru wangulekerezga ŵanthu wo wangukaripa nawo ndi kuŵarongosole ku wanangiku;

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.