Hoseya 3:5 - Tonga Bible 1986

⁵ Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Hoseya 3:5 Iomraidhean Croise

1 ŴaKaronga 12:16

Ndipo penipo ŵaYisraele wose ŵanguwona kuti karonga wengavi kuŵavwa, ŵanthu ŵangwamuka karonga, “Phande lidu ndine mwaku Davidi? Tirivi chihara mu mwana waku Jese. Kaninga ku mahema ghinu, Yisraele mwe! Sono lereska ku nyumba yaku wamweni, Davidi.” Viyo ŵaYisraele ŵanguwere ku mahema ghawo.

Yesaya 17:7

Mu zuŵa liya ŵanthu ŵazamuphwere mlengi wawo ndipo maso ghaŵo ghazamulereska ku Mtuŵa yo Yumoza waku Yisraele,

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

Yesaya 60:5

Sono ŵakawonanga ndipo ukaŵalanga ndi chimwemwe mtima wako ukaziyanga ndi kujikuzga; chifukwa usambasi wa nyanja ukang'anamukiyanga kwaku iwe, usambasi wa mitundu ukazanga kwako.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Yeremiya 23:5

“Ehe, mazuŵa ghakazanga, atiti Ambuya, penipo ndikayuskiyanga Davidi Mphanda yakunyoroka, ndipo wakausanga nge ndi karonga, ndi kuchita mwa zeru; ndipo wakachitanga urunji ndi ukongorekwa mu charu.

Yeremiya 30:24

Kukwiya kwakofya kwa Ambuya kuti kukarekanga cha, mpaka penipo wachita ndi kufiska vyenivyo arongoso kuvichita. Mu mazuŵa gho ghatuza mwazamuwamo ichi.

Yeremiya 30:9

Kweni ŵakatataliyanga Ambuya Chiuta wawo ndi Davidi karonga wawo, mweniyo ndikaŵayuskiyanga.

Yeremiya 33:17

“Pakuti, atiti viyo Ambuya: Davidi kuti wakasoŵanga munthu cha wakuja pa chitengo chaku Yisraele,

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

Ezekiele 38:8

Pavuli pa virimika vinandi ukadanikanga, mu virimika vya umari ukarutanga kumikana ndi charu cho chikuwezgeka ku nkhondo, charu cho ŵanthu ŵa mitundu yinandi ŵanguwunganamo kumikana ndi mapiri ghaku Yisraele gho ghaŵa mapopa kwa nyengo yitali; ŵanthu ŵake ŵakuwezgeka kutuwa mu mitundu ndipo sono wose pamoza ŵaja kwakufwasa.

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Hoseya 11:10

Ŵakarondonga Ambuya, Ambuya akoromenge nge ndi nkharamu, inya akoromenge, ndipo ŵana ŵake ŵakazanga ndi chitenje kutuwa ku zambwe.

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,

Hoseya 5:6

Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Mika 4:1

Mu mazuŵa ghakumariya phiri la nyumba ya Ambuya likamikikanga kuŵa litali kuruska mapiri ghose, ndipo likatumphuliskikanga kuŵa litali kuruska mapiri ghose; ndipo ŵanthu ŵamundonde kwaku lo,

Maŵerengedu 24:14

Viyo sono, ehe, ndiruta ku ŵanthu ŵangu, zanga, ndikakuziŵiskanga cho ŵanthu yaŵa ŵakachitanga ku ŵanthu ŵako mu mazuŵa gho ghatuza.”

ŴaRoma 11:25

Chifukwa, mwa ŵabali, kuti ndikhumba mureke kuziŵa mangari yagha cha (vinu mungaŵa ŵakujirumba), ghakuti chinononu chawiya Yisraele yo ku rwandi,

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

Marangu 4:30

Penipo mwe mu suzgu chifukwa vinthu vyose ivi vyakuŵiyani mu mazuŵa ghakumariya, mung'anamukiyenge ku Ambuya Chiuta winu ndi kuvwiya mazu ghake.