Hoseya 3:2 - Tonga Bible 1986

² Viyo ndingumugula ndi ndrama za siliva chumi pachanya zinkhonde (15) ndi chipimo chimoza ndi nusu wa barile.

Hoseya 3:2 Iomraidhean Croise

Chiyambo 31:41

Virimika ivi machumi ghaŵi vyo ndajanga mu nyumba yako; ndingukutataliya virimika chumi ndi vinayi (14) chifukwa cha ŵana ŵako, ndipo virimika vinkhonde ndi chimoza chifukwa cha viŵetu vyako, ndipo nyengo chumi ungusintha-sintha mphoto yangu.

Chiyambo 34:12

Mundipemphe vinandi nge vyawezi vya ukwati ndi vyaulera, ndipo ndikaperekanga uli ndimo mukambiyenge kwangu; ine mundipaske mwali yo pe kuŵa muwoli wangu.”

Chituwa 22:17

Asani awiske ŵakaniska kumupaska mwali yo, wakalipanga ndrama zachilowola mwenimo ŵalowole ŵamwali.

Yesaya 5:10

Pakuti ndimi chumi za munda wa mphereska zipasenge vyakuzaza nkhari yimoza, ndipo mbeu ya sokora yimoza yikapasanga chise chimoza pe.”

Ezekiele 45:11

Sokora ndi chibeketi vikaŵanga vya mweso wakuyana, chibeketi chikazazanga ndi chigaŵa chimoza cha vigaŵa chumi vya sokora yikuru; sokora yikazazanga ndi chigaŵa chimoza cha vigaŵa chumi vya sokora; sokora ndiyo yikaŵanga mweso wakuzomerezgeka.

Hoseya 3:3

Ndipo ndinguti kwaku iyo, “Utenere kuja ndi ine kuŵa wangu kwa mazuŵa ghanandi. Ungachitanga ureŵi cha, pamwenga ungaŵanga wa munthurumi munyake cha; viyo ndimo nane ndiŵiyenge kwaku iwe.”

ŴaLevi 27:16

“Asani munthu wapatuliya ku Ambuya chigaŵa cha charu cho wahara, wateme mtengo kwakuyana ndi mbeu zo zemwenimo mbeu ya barile yakupanda yakuzaza sokora yikaguliskikanga mtengo wa ndrama machumi ghankhonde (50) za siliva.

Ruti 4:10

Ndipo Ruti mu Moabu choko chaku Maloni, ndagula kuŵa muwoli wangu, kurutizga zina la wakufwa, kuti lireke kuzilimitiya mukati mu ŵabali ŵake ndi ku likomo la kwake, mwe ŵakaboni msana wale.”

1 Samuele 18:25

Sono Sauli wanguti, “Kamuneneyeni Davidi kuti, ‘Karonga kuti wapenja chilowora cha kweni machumi pe chumi gha makhungu gha kusongo gha ŵaFilisti, mwakuti wawezge nduzga ŵarwani ŵa karonga.’ ” Sauli wapenjanga kuti Davidi wabayike ndi janja la ŵaFilisti.