Hoseya 3:1 - Tonga Bible 1986

¹ Ndipo Ambuya anguti kwaku ine, “Kanga so, ndi umwanje muwoli wako wakwanjika ndi bwezi lake, ndipo ndi mureŵi; nge ndimo Ambuya atanjiya ŵaYisraele, chingana iwo ŵagarukiya ku ŵachiuta ŵanyake ndi kwanja maburunga gha mphereska zakumira.”

Hoseya 3:1 Iomraidhean Croise

2 Samuele 6:19

Ndipo wangugaŵiya ŵanthu wose, khamu lose laku Yisraele, ŵanthurumi ndi ŵanthukazi, kwaku yose burunga la chiŵande thuŵi la nyama, ndi burunga la mphereska za kunika. Pavuli wose ŵanguruta, munthu yose ku nyumba yake.

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

1 Mikoka 16:3

ndi wangupaska viŵande ku ŵaYisraele wose, ŵanthurumi, ndi ŵanthukazi, kwaku we yose chiŵande chimoza, ndi thuŵi la nyama, ndi keki wa mphereska zakumira.

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Sumu 123:2

Ehe, mo mteŵeti wathamiya mbuyake, mo mteŵeti munthukazi wathamiya mbuyake munthukazi, viyo ndimu nafwe tilereske kwinu, Ambuya Chiuta widu, mpaka penipo mwatichitiya wezi.

Chituwa 32:6

Ndipo ŵanguyuka ndi mlenjilenji, ndi ŵangupaska mipasku yakocha ndi ŵanguza ndi mipasku ya chimangu, ndipo ŵanthu ŵanguteka pasi kurgha ndi kumwa, ndi ŵanguma kusoŵe.

Sumu ya Zisumu 2:5

Mundikhozge ndi mphereska za kumila, ndisangaruskeni ndi vipasi vya mbuwa; pakuti ndatama ndi chanju.

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Yeremiya 3:20

Kwakuneneska nge ndimo muwoli wambura magomezgeka wasiriya murumi wake, viyo ndimu mwaŵiya ŵambura magomezgeka kwaku ine, Wa nyumba yaku Yisraele we, atiti Ambuya.’ ”

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Hoseya 4:11

Vinyo ndi vinyo mufya, watuzgako vinjeru vyawo.

Hoseya 7:5

Pa zuŵa la karonga widu, mafumu ghangutama ndi kufunda kwa vinyo; iyo wangutambaruwa janja lake pamoza ndi ŵakuwera.

Amosi 2:8

ŵagona pasi pafupi ndi jochero lose, pa vyakuvwara vya chikoli; ndi ŵatumwiya mu nyumba yaku Chiuta wawo, vinyo waku wo ŵalipiskika.

Amosi 6:6

wo ŵatumwa vinyo mu mbali, ndi kujitukutizga ndi mafuta ghamampha, kweni kuti ŵe ndi chitima cha ndi pharghaniku laku Yosefe!

Mika 7:7

Kweni ine, ndilereskenge kwa Ambuya, ndilindizgenge Chiuta yo ndi mtaski wangu; Chiuta wangu wakandivwanga.

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.

Mateyu 26:50

Kweni Yesu wanguti kwaku iyo, “Bwezi, chita cho waziya?” Sono ŵanguza, ŵanguŵika manja paku Yesu, ndipo ŵangumko.

1 ŴaKorinte 10:21

Kuti muziŵa cha kumwa chandi cha Mbuya ndi chandi cha ŵademone: kuti muziŵa cha kusanganapo gome la Mbuya ndi gome la ŵademone.

1 ŴaKorinte 10:7

Ndipo tingaŵanga ŵakusopangoza cha uli mbanyake ŵaku wo; nge ndimo kwalembeke, “Khamu linguteka pasi kurgha ndi kumwa ndipo lingusoka kwachivina.”

1 Petro 4:3

Chifukwa nyengo yo yakapo njikuru kutataliya khumbiro la ŵaMitundu, ndi kujende mu mauyaya, maulakalaka, mauloŵevu, vindimba, maunkhamwi, masopedu ghamwikhu gha ŵangoza.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.

Ŵeruzgi 9:27

Mwakuti, ŵanguwunjika vipasi kutuwa mu minda yawo ya mphereska ndipo ŵangupinga, ndi ŵanguchita dghera, ŵangusere mu nyumba yaku chiuta wawo, ndipo ŵangurgha ndi kumwa ndi kumutuka Abimeleke.