Hoseya 2:3 - Tonga Bible 1986

³ Vinu ndingamuzuwa saru ndi wangaja nkhuli ndi kumumika nge ndi zuŵa la kawi kake. Ndingamusanduska nge ndi lisuwa, ndi kumusanduska nge ncharu cha chiparamba, ndi kumubaya ndi nyota.

Hoseya 2:3 Iomraidhean Croise

Chituwa 17:3

Kweni ŵanthu ŵangukoreka ndi nyota, ndipo ŵanthu ŵangudinginikiya Mosese ŵanguti, “Chifukwa chine ungutituzga mu charu cha Egipiti, kuzachitibaya ndi ŵana ŵidu ndi ng'ombe zidu ndi nyota?”

Yesaya 33:9

Charu chitenje ndi nchakuvuka; Lebanoni ngwachitima ndi wafota; Sharoni wasanduka bozwa; ndipo Bashani ndi Karmele ŵayoyoska mani ghawo.

Yesaya 47:3

Nkhuli yinu yikaŵanga pakweru, ndipo chilengesku chinu chikawonekanga. Nkhatayanga thayu, kuti ndikalekangapo munthu cha.

Yesaya 64:10

Mizi yinu yakupaturika yasanduka bozwa, Zioni wasanduka bozwa, Yerusalemu ndi mapopa.

Yeremiya 12:10

Ŵaliska ŵanandi ŵabwanganduwa munda wangu wa mphereska, ŵapwatiya pasi chigaŵa chinga, charu changu cha kukondweska ŵachisanduska bozwa la uyiku.

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Yeremiya 13:26

Ine ndamweni ndikakungunuliyanga ku maso viketi vinu, ndipo soni zinu ziwonekenge.

Yeremiya 14:3

Ŵara-ŵara ŵake ŵatuma ŵateŵeti ŵawo kwachito maji: ŵatuza ku visima, kuti ŵasaniyako maji cha, ŵaweko ndi viyaŵi vyawo vya mwazi: ŵachita soni, ŵatimbanizgike, ndipo ŵavunikiriya mitu yawo.

Yeremiya 17:6

We uli nchivwati cha mu bozwa, ndipo kuti wakawuwonanga umampha uchiza cha. Wakajanga mu malo ghakumila ghamu bozwa, mu charu cha muche cha mbura ŵanthu.

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yeremiya 22:6

Pakuti viyo atiti Ambuya gha pa nyumba ya karonga waku Yuda; Ukozgana ndi Gileada kwaku ine, uli ndi malo ghakukwera gha Lebanoni, ndipuuli ndikakuchitanga kuŵa bozwa, msumba wambura ŵanthu.

Yeremiya 4:26

Ndingulereska, ndi ehe, charu cha minda chingusanduka bozwa, ndipo mizi yake yose yingupopeskeka paurongo pa Ambuya, paurongo pa ukari wawo wakofya.

Yeremiya 51:43

Misumba yake yasanduka chakofya, charu chiyumu ndi cha bozwa, charu cho munthu kuti wajamo cha, chenicho palivi mwana wa munthu wakuporotamo.

Yeremiya 51:5

Pakuti Yisraele ndi Yuda kuti ŵajoworeka cha ndi Chiuta wawo, Ambuya ŵa maŵanja, kweni charu cha ŵaKaldiya chazaza ndi kulakwa pa Mtuŵa yumoza waku Yisraele.

Ezekiele 16:22

Ndipo mu maunyakazi ndi mu maureŵi ghako ghose kuti ungukumbuka mazuŵa gha pa umwali wako cha, po unguŵa wankhuli ndi wambura kuvwara kanthu, wakukunkhuwa mu ndopa zako.

Ezekiele 19:13

Sono ukuwokeka mu bozwa, mu charu cha kumira ndi chachiparamba.

Hoseya 13:15

Chingana wangandana nge ndi dete lakupandika, mphepo yakuvuma, mphepo ya Ambuya, yikazanga, yakutuwa ku lisuwa; ndipo kubwibwituka kwake kukakamukanga, chisimi chake nacho chikakamukanga; yikaskowanga chinthu chose chakuzirwa.

Hoseya 2:10

Sono ndimurongonge uheni pa maso gha ŵakumwanja ŵake, ndipo palivi chingana njumoza yo wamutaskenge ku janja langu.

Chivumbuzi 17:16

Ndipo sengwe chumi zo, zenizo unguwona, ndi chikoku cho, yaŵa ŵakatinkhanga munthukazi-mureŵi yo, ndipo ŵamsanduskenge wamapopa ndi wankhuli, ndipo ŵarghenge nyama yake, ndi ŵamochenge limu ndi moto.

Ŵeruzgi 15:18

Ndipo wangukoreka ukongwa ndi nyota wangudana ku Ambuya wanguti, “Mwapaska chipozomosko ichi chikuru ndi janja la mteŵeti winu; ndipo kumbi sono ndikafwanga ndi nyota, ndi kuwa mu manja gha ŵambura kuchinjika?”