Hoseya 2:15 - Tonga Bible 1986

¹⁵ Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Hoseya 2:15 Iomraidhean Croise

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

Sumu 106:12

Sono ŵanthu ŵake ŵangugomekezga mu mazu ghake; ndipo ŵangumumbiya marumbu.

Sumu 129:1

Yisraele sono wakambe, “Wandisuzga kutuliya ku uhurwa wangu.

Yesaya 65:10

Sharoni wakasandukanga uliska wa miskambo, ndi chinkhwau cha Akoro malo gha kugonamo miskambo ya ŵanthu ŵangu wo ŵatindipenja.

Yesaya 65:21

Ŵakazenganga zinyumba ŵakajanga mwaku zo; ŵakapandanga minda ya mphereska ndi kurgha vipasi vyake.

Yeremiya 2:1

Mazu gha Ambuya ghanguza kwaku ine, ghakuti,

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yeremiya 29:11

Pakuti ndiziŵa marongosoledu gha paku imwe, atiti Ambuya, marongosoledu gha umoyo wamampha, gha uheni cha, kukuwoneskani vyamampha vyo vituza ndi vyakugomezga.

Yeremiya 3:4

Kumbi iwe ulivi kudana kwaku ine kuti, ‘Ada, mwenga bwezi langu penipo ndenga munyamata;

Yeremiya 32:15

Pakuti viyo atiti Ambuya ŵa maŵanja, Chiuta waku Yisraele: Zinyumba, minda, ndi minda yamphereska vikagulikanga so mu charu ichi.’

Chitenje 3:21

Kweni ku mtima ndikumbuka ichi; chifukwa cho ndendi chigomezgu.

Ezekiele 16:22

Ndipo mu maunyakazi ndi mu maureŵi ghako ghose kuti ungukumbuka mazuŵa gha pa umwali wako cha, po unguŵa wankhuli ndi wambura kuvwara kanthu, wakukunkhuwa mu ndopa zako.

Ezekiele 16:60

kweni ndi kweni ndikakumbukanga phanganu langu ndi iwe lamu mazuŵa gha umwali wako, ndipo ndikamikanga phanganu la muyaya ndi iwe.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Ezekiele 28:25

“Viyo atiti Ambuya Chiuta: Penipo ndikaunganiskanga nyumba yaku Yisraele kutuwa mukati mu ŵanthu mwaku ŵeniwo akuparghang'ikiyamo, ndikuvumbuwa utuŵa wangu mwaku iwo mu maso gha ŵa mitundu, po ndipo ŵakajanga mu charu chawo ndi chawo cho ndikupaska ku mteŵeti wangu Yakobe.

Ezekiele 28:26

Ndipo ŵakajangamo kwakufwasa, ŵakazenganga zinyumba ndi kupanda mphereska. Ŵakajanga kwakufwasavi, po ndifiska vyeruzgu paku wose ŵakuzengezgana ŵawo wo ŵanguŵayuyuwa. Sono penipo ndipo ŵakaziŵanga kuti ine ndine Ambuya Chiuta wawo.”

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

Hoseya 12:9

Ndine Ambuya Chiuta wako, kutuwa ku charu cha Egipiti; nkhakujarikanga so mu mahema nge ndi mu mazuŵa gha madghera ghakumikika.

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Hoseya 2:12

Ndipo ndinangenge mphereska zake, ndi miti yake ya mkuyu vyenivyo wanena kuti, ‘Ivi nchihara changu cho wakundanja wangu wandipaska.’ Nkhavisanduskanga lisuwa, ndipo nyama zamu dondo zikavirghanga.

Amosi 9:14

Ndituzgengepo umagoŵa wa ŵanthu ŵaYisraele, ndipo ŵazamuzenga so mizi yakupasuka ndi ŵazamujamu; ŵazamulima minda ya mphereska ndi kumwa vinyo wawo, ŵakalimanga minda ndi kurgha vipasi vyawo.

Zekariya 9:12

Wereni ku linga linu, imwe ŵamagoŵa ŵachigomekezgu, msana wale ndinena kuti ndimuwezgiyeninge kaŵi.

Maŵerengedu 21:17

Penipo Yisraele wangumba sumu iyi: “Bwibwituka, chisima we! Chimbiyeni!

Yohane 10:9

Ine ndine khomo lo: asani yumoza waserere mwaku ine, wataskikenge, ndipo waserengemu ndi watuwengemu, ndipo wasaniyenge chipozwa.

Machitidu gha Ŵakutumika 14:27

Ndipo ŵati ŵafikako ndi kuwunganiska mpingu wo, ŵangukonkhoma vyenivyo vyose Chiuta wanguchita nawo, ndi mo wangujuriya ŵaMitundu likomo la chivwanu.

Yoswa 7:26

Ndipo ŵanguwunjikapo chimuru chikuru cha mya cho chichalipo mpaka zuŵa lino; sono Ambuya anguweko ku ukari wawo. Mu chifukwa ichi zina la malo gha lidanika Dambo la Akoro mpaka kunu ku sono.

Ŵeruzgi 8:34

Ndipo ŵaYisraele kuti ŵangukumbuka Ambuya Chiuta wawo cha, yo wanguŵapozomoska ku janja la ŵakupindikana ŵawo wose kosekose;