Hoseya 2:10 - Tonga Bible 1986

¹⁰ Sono ndimurongonge uheni pa maso gha ŵakumwanja ŵake, ndipo palivi chingana njumoza yo wamutaskenge ku janja langu.

Hoseya 2:10 Iomraidhean Croise

2 Mikoka 24:7

Pakuti ŵana ŵaku Ataliya, yuwa munthukazi muheni ŵangusere mu nyumba yaku Chiuta ndipo nawo so ŵanguchitiya milimu yaku Bala vinthu vyose vyakupaturika vya nyumba ya Ambuya.

Sumu 50:22

“Sono ziŵani ichi, mwa ŵakuruwa Chiuta, vinu ndingakuparuwani, ndi kungaŵavi wakutaska!

Nthanthi 11:21

Uziŵiske, munthu muheni kuti walekengepo cha kulangika, kweni ŵeniwo mbarunji wakataskikanga.

Yesaya 3:17

Ambuya akakosonga ndi vitupatupa, mitu ya ŵanthu ŵaZioni, ndipo Ambuya akaŵajarikanga nkhuli.

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Yeremiya 13:26

Ine ndamweni ndikakungunuliyanga ku maso viketi vinu, ndipo soni zinu ziwonekenge.

Ezekiele 16:16

Unguto ghanyake gha maraya ghako, ungutozge nyumba za ŵakavuŵa, mwenimo ndimo wachitiyanga ureŵi; weniwo kuti ukuchitikiyapo cha kalikose, ndipo kuti ukachitikiyangapo so cha.

Ezekiele 16:19

Ndi chiŵande changu cho ndingukupaska, ndingukurghiska ufwa wakung'ibuka wa trigu, mafuta ndi uchi, ivi navyo unguŵajarikiya nge ndi mpasku wa fungu lamampha, atiti Ambuya Chiuta.

Ezekiele 23:29

ndipo ŵakachitanga nawe mwakukutinkha, ŵakatonga vyose vipasi vyathazi yako, ndi kukusiya wankhuli, sono unkhuli wa ureŵi wako kuti ukabisikanga cha. Ukazuzi wako ndi ureŵi wako,

Hoseya 10:1

Yisraele ndi mphereska yakukuwa umampha, yo yipasa vipasi vyake. Mo waliri ndi vipasi vinandi ndimo wazenge majochero ghanandi; mo charu chake chiŵiya chamampha, ndimo wachitiya vikozgo vyamampha.

Hoseya 13:1

Po Efraimu wangukamba, ŵanthu ŵangutenthema; wangukuzgika mu Yisraele; kweni wangwananga chifukwa chaku Bala ndi wangufwa.

Hoseya 2:3

Vinu ndingamuzuwa saru ndi wangaja nkhuli ndi kumumika nge ndi zuŵa la kawi kake. Ndingamusanduska nge ndi lisuwa, ndi kumusanduska nge ncharu cha chiparamba, ndi kumubaya ndi nyota.

Hoseya 6:9

Nge ndimo ŵankhungu ŵakhazgiya munthu, ndimo so ŵazukuru nawo wawungirana pamoza; ŵabaya mu nthowa yakurata ku Shekemu, inya ŵarutiriya kuchita uheni.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.