Hoseya 13:3 - Tonga Bible 1986

³ Chifukwa ichi ŵakaŵanga nge ndi nyankhuŵinda wa mlenji, pamwenga nge ndi dungwi lo lakamuka ruŵi. Nge ndi mwere wo wuputa pa malo ghakupepete, pamwenga nge ndi usi wakuturiya pa dangazi.

Hoseya 13:3 Iomraidhean Croise

Jobu 21:18

Wenge ndi mapesi ghakuputa ndi mphepo,

Jobu 30:15

Chofyo chandizgoke ine, ine, chindondoloska mzimu wangu nge ndi mphepu, ndipo usambasi wangu waruta nge ndi mtambo.

Sumu 1:4

Waheni kuti ŵe viyo cha, kweni ŵe nge ndi mwere wo mphepo yiputiska.

Sumu 68:2

Mo usi uputiya ndi mphepo, ndimo muŵambininiskiye; mo phura lisungonoke paurongo pa moto, viyo ndimo ŵasoŵe ŵaheni pa maso ghaku Chiuta.

Yesaya 17:13

Mitundu yi wuruma uli nkhuwuruma kwa maji ghanandi; kweni wakaŵakaripiyanga, ndipo ŵakathaŵiyanga kutali, kudikiskika nge ndi mwere pa mapiri paurongo pa mphepo, ndi fuvu la kavuruvuru paurongo pa lirondo.

Danyele 2:35

Viyo chisulo, dongo mkuŵa, siliva, ndi golide vinguvikitika tumana-tumana vyose pamoza, ndi vinguŵa nge ndi mwere wa chihanya wakupepeteke pasi, ndi mphepo yinguviputiskiya kutali, mwakuti vingawoneka so cha. Kweni mwa uwa ungutekenya chikozgu cho, ungusanduka phiri likuru ndi linguzaza charu chose chapasi.

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

Zefaniya 2:2

mwenga mundadikiskike nge ndi mwere wakuputa, wenga undamuziyeni ukari wa Ambuya, lenga lindakuziyeni zuŵa la ukari wa Ambuya.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.