Hoseya 1:7 - Tonga Bible 1986

⁷ Kweni nkhaŵanga ndi lisungu ndi nyumba yaku Yuda, ndipo ndiŵataskenge ndi nthazi ya Ambuya Chiuta wao; kuti nkhaŵataskanga ndi uta cha, pamwenga lipanga, pamwenga nkhondo, pamwenga ŵakavalo, pamwenga ŵakukwera pa ŵakavalo.”

Hoseya 1:7 Iomraidhean Croise

2 ŴaKaronga 19:29

“Ndipo ichi chikaŵanga chisimikizgu kwaku iwe: chirimika chino mukarghanga vyo vime vija, mu chirimika cha chiŵi vyenivyo vibuka pasi mwenimo, kweni muchifimika cha chitatu mupandenge, ndi kuvuna, mupandenge munda ya mphereska, ndi kurgha vipasi vyake.

2 ŴaKaronga 19:34

Pakuti ndikavikiriyanga msumba uwu ku utaksa, pa chifukwa cha paku ndamweni ndi pa chifukwa chaku Davidi mteŵeti wangu.”

2 ŴaKaronga 19:35

Ndipo usiku weniwuwa mungelo wa Ambuya wanguruta ndipo wangubaya vikwi machumi pe chumi pachanya machumi ghankhonde ndi ghatatu ndi vinkhonde mu ugoŵi wa ŵaAsiriya; ndipo ŵanthu ŵanguti ŵayuka ndi mlenji-lenji, ehe, yaŵa wose ŵenga viŵanda.

2 ŴaKaronga 6:18

Ndipo penipo ŵaSiriya ŵangusikiyako kurwana nayo, Elisha wanguromba ku Ambuya, wanguti, “Apwetekeni ŵanthu yaŵa ndi uchiburumutiya, nditukurombani.” Viyo anguŵapuma ndi uchiburumutiya kwakuyana ndi rombu laku Elisha.

Sumu 33:16

Palivi karonga wakutaskika ndiukuru wa nkhondo yake; ngwazi kuti yingataskika chifukwa cha nthazi yake yikuru cha.

Sumu 44:7

Kweni imwe mwatitaska ku ŵakupindikana ŵidu, ndipo ŵakutitinkha mwaŵalengeska.

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Chituwa 14:30

Viyo ndimu Ambuya angutaskiya ŵaYisraele zuŵa liya ku janja la ŵaEgipiti; ndi Yisraele wanguwona ŵaEgipiti ŵakufwa pa likumba la nyanja.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 30:18

Chifukwa cho Ambuya alindizga kuŵa namwe ndi wezi; ndicho chifukwa ŵatijikuzgiya kurongo lisungu paku imwe. Pakuti Ambuya ndi Chiuta wacheruzgu chirunji; mbakutumbikika wose wo ŵalindizga iwo.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Yeremiya 25:5

kuti, ‘Ng'anamukaniko ku nthowa yinu yiheni ndi kumachitidu ghaheni, ndi muje pa charu cho Ambuya akukupaskani imwe ndi auskemwe kutuliya ku kale mpaka ku muyaya,

Yeremiya 25:6

mungarondonga ŵachiuta ŵanyake kuŵatataliya ndi kuŵasopa, pamwenga kundisosomole ku ukari ndi nchitu za manja ghinu. Po ndipo kuti ndikuchitiyeninge uheni cha.’

Yeremiya 33:26

iku ndikapatanga mphapu yaku Yakobe ndi Davidi mteŵeti wangu, ndipo kuti ndikasankhanga yumoza cha wa ŵamphapu yake kuwusa pa mphapu yaku Abrahamu, Yisaki ndi Yakobe. Pakuti ndikaŵachitiyanga so umampha, ndipo ndikaŵanga ndi lisungu paku iwo.”

Hoseya 1:8

Wanguti wareka kuwonkheska, “Wambura kuchitikiya lisungu,” Gomere, wanguzuuka ndi wangupapa mwana munthurumi.

Hoseya 11:12

Efraimu wandizingirizga ndi mautesi, ndipo nyumba yaku Yisraele ndi chinyengo; kweni Yuda weche kuziŵikwa ndi Chiuta, ndipo ngwamagomezgeka ndi Mtuŵa Yumoza.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

1 Samuele 17:47

ndikuti mzinda wose uwu uziŵe kuti Ambuya kuti apozomoska ndi lipanga ndi mkondo cha pakuti nkhondo nja Ambuya, ndipo aperekenge iwe mu janja lidu.”