Hoseya 1:1 - Tonga Bible 1986

¹ Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

Hoseya 1:1 Iomraidhean Croise

2 ŴaKaronga 13:13

Viyo Yoashi wangula pamoza ndi ŵambuyake wanguŵikika mu Samaria pamoza ndi wakaronga ŵaku Yisraele, ndipo Yeroboamu wanguja pa chitengu chake cha ukaronga.

2 ŴaKaronga 14:16

Ndipo Jehoashi wangula pamoza ndi ŵawiske, wanguŵikika mu Samaria, pamoza ndi ŵakaronga ŵaku Yisraele, ndipo Yeroboamu (wa chiŵi) mwana wake wanguwusa mu malo ghake.

2 ŴaKaronga 14:23

Mu chirimika cha chumi pachanya vinkhonde chaku Amaziya mwana waku Yoashi, karonga waku Yuda, Yeroboamu wa chiŵi mwana waku Yoashi karonga waku Yisraele, wangwamba kuwusa mu Samaria, ndipo wanguwusa virimika machumi ghanayi pachanya chimoza.

2 ŴaKaronga 15:32

Mu chirimika cha chiŵi chaku Peka mwana waku Remaliya, karonga waku Yisraele, Yotamu mwana waku Uziya karonga waku Yuda wangwamba kuwusa.

2 ŴaKaronga 15:5

Ambuya angukoso karonga viyo kuti wanguŵa wa makhate mpaka nyifwa yake, ndipo wajanga mu nyumba ya pade. Ndipo Yotamu mwana wa karonga ndiyu watufuliyanga ŵamunyumba yo, ndikweruzga ŵanthu ŵa charu cho.

2 ŴaKaronga 15:7

Ndipo Azariya wangula pamoza ndi ŵambuyake, ndipo ŵangumuŵika mu msumba waku Davidi, sono Yotamu mwana wake wanguwusa mu malo ghake.

2 Mikoka 27:1

Yotamu wenga ndi virimika machumi ghaŵi pachanya vinkhonde (25) mu ura po wangwamba kuwusa, ndi wanguwusa virimika chumi pachanya vinkhonde ndi chimoza (16) mu Yerusalemu. Zina la nyina lenga Yerusa mwana waku Zadoki.

2 Mikoka 28:1

Ahazi wenga ndi virimika machumi ghaŵi po wangwamba kuwusa, ndipo wanguwusa virimika chumi pachanya vinkhonde ndi chimoza mu Yerusalemu, ndipo kuti wanguchita cho chenga chamampha cha mu maso gha Ambuya nge ndi wiske Davidi,

2 Mikoka 29:33

Mpasku wakujipaturiya, wenga nkhuzi machumi pe chumi ghankhonde ndi limoza (600), mberere vikwi vitatu (3,000).

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

Yesaya 7:1

Mu mazuŵa ghaku Ahazi mwana waku Yotamu, mwana waku Uziya, karonga wa ŵaYuda, Rezini, karonga wa Siriya ndi Peka mwana waku Remaliya karonga waku Yisraele ŵangukwere ku Yerusalemu kwachipong'a nkhondo paku wo, kweni kuti ŵanguwupunda cha.

Yeremiya 1:2

Mazu gha Ambuya ghanguza kwaku iyo mu mazuŵa ghaku Josiya mwana waku Amoni karonga waku Yuda, mu chirimika cha chumi ndi vitatu cha muwusu wake.

Yeremiya 1:4

Sono mazu gha Ambuya ghanguza kwaku ine kuti,

Ezekiele 1:3

mazu gha Ambuya ghanguza kwaku Ezekiele mzukuru, mwana waku Buzi, mu charu cha ŵaKaldiya ku msinji Kebara; ndipo janja la Ambuya linguŵa nayo kwenikuwa.

Yoele 1:1

Mazu gha Ambuya gho ghanguza kwaku Yoele mwana waku Petuele.

Amosi 1:1

Mazu ghaku Amosi, yo wenga yumoza wa ŵaliska ŵaku Tekoa, ghenigho wanguvwa ghakunena Yisraele mu mazuŵa ghaku Uziya karonga waku Yuda, ndi mu mazuŵa ghaku Yeroboamu, mwana waku Yoashi, karonga waku Yisraele. Kunguja virimika viŵi chenga chindazi chidiririzi.

Yona 1:1

Sono mazu gha Ambuya ghanguza kwaku Yona mwana waku Ambitayi, ghakuti,

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Zekariya 1:1

Mu mwezi wa chinkhonde ndi chitatu, mu chirimika cha chiŵi chaku Dariusi, mazu gha Ambuya ghanguza kwaku Zekariya, mwana waku Berekiya, mwana waku Ido, mchimi, kuti,

Yohane 10:35

Tiziŵa kuti cho malemba nchakuneneska muyaya; ŵanguŵazumbuwa iwo ŵachiuta. Ŵanthu, kwaku ŵeniwo ghanguziya mazu ghaku Chiuta.

ŴaRoma 9:25

Uli ndimo wanene so mwaku Hoseya, “Ndilitamurenge khamu, langu lo kuti lenga khamu langu cha; ndi yo wengavi kwanjiwa, nyankhwanjiwa.

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.