Filemone 1:6 - Tonga Bible 1986

⁶ Kuti masanga gha chivwanu chako ghaŵe ghakutataliya Kristu mu mziŵiru waku chose chamampha cha mwaku imwe.

Filemone 1:6 Iomraidhean Croise

Mateyu 25:16

Sono yo wanguronde matalente ghankhonde wanguruta ndi wangutataliya nagho, ndipo wangwanduwa matalente ghanyake so ghankhonde.

Mateyu 5:16

Viyo ŵaliskani ukweru winu paurongo pa ŵanthu, mwakuti ŵawone nchitu zinu zamampha, ndi ŵakankhuske Auskemwe ŵakuchanya.

1 ŴaKorinte 14:25

vibisibisi vya mtima wake viwoneka pakweru; ndi viyo pakuŵa pasi kavunama wamlambiyenge Chiuta; ndi kunena kuŵanthu wose kuti nadidi Chiuta we mukati mwinu.

1 ŴaKorinte 16:9

chifukwa khumo likuru la mlimu likujurikiya ine, ndipo ŵamphindikwa pe mbanandi.

ŴaFilipi 4:8

Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

ŴaKolose 1:9

Chifukwa chenichi ifwe nafwe, kwanda ku zuŵa lo tinguchivwiya, kuti tireka cha kumrombiyani ndi kupempha, kuti muzazike ndi chiziŵisku cha khumbo lake mu zeru ndi chiteska cha mzimu,

ŴaKolose 3:10

ndipo mwavwara munthu mufya, mweniyo wazgoka mufya uli nchikozgu chaku yo wangumlenga ndi kukuliya mu kumuziŵa Chiuta.

Tito 3:14

Ndipo ŵidu nawo ŵasambire kutataliya ku mausiwa ghaufinyi nchitu yamampha, alinga kuti ŵangaŵanga ŵazirachipasi cha.

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

Yakobe 2:14

Chitovya uli, mwa ŵabali ŵangu, asani munthu wanenenge kuti we nacho chivwanu, kweni wauravi milimu? Kumbi chivwanu cho nchanthazi kumtaska?

Yakobe 2:17

Viyo chivwanu mwakucho, asani chirive milimu nchakufwa mwaku chija.

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 3:1

Kwakulingana nako, mwaŵanthukazi, muŵe ŵakujithereske ku ŵarumi ŵaku mwija, alinga kuti, chingana ŵatafuliya mazu gho ŵanyake, chifukwa cha kajaridu ka ŵawoli ŵawo, ŵandulike kwambura mazu,

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

2 Petro 1:8

Chifukwa pakuŵa vyenivyo mwinu ndi kuzara, vikukanizgani kuŵa ŵakata ndi ŵambura vipasi kuchiri ku chiziŵisku cha Ambuyafwe Yesu Kristu.