Chiyambo 8:21 - Tonga Bible 1986

²¹ Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Chiyambo 8:21 Iomraidhean Croise

Chiyambo 3:17

Ndipo kwaku Adamu wanguti: “Chifukwa wavwiya mazu gha muwoli wako, ndipo warghapo muti wo ndingukuchenjezga kuti, ‘Ungarghanga cha,’ njakutembeka nyata yo chifukwa chako; mu kutakataka ukarghanga vyake mazuŵa ghose gha umoyo wako;

Chiyambo 4:12

Uchilima nyata, kuti yikawerezgangapo so cha kukupaska nthazi yake: ukaŵanga wakuthaŵathaŵa ndi wakuyingayinga pa charu chapasi.”

Chiyambo 5:29

ndi wangudana zina lake Nowa, ndi wanguti, “Kutuwa mu nyata yeniyo Ambuya akutemba, uyu wakatitoliyanga ifwe chisangarusku ku nchitu zidu ndi kukutakataka kwa manja ghidu”.

Chiyambo 6:13

Ndipo Chiuta wanguti kwaku Nowa, “Ndighanaghana kumara vyamoyo vyose; pakuti charu chazaza ndi ukari chifukwa chawo; ndikaŵanaganga pamoza ndi charu.

Chiyambo 6:17

Pakuti ndikatoliyanga zandi wa maji pa charu kunanga nyama chakurengeka chose chamoyo mu charu cha pasi; chinthu chose chapa charu chapasi chikafwanga.

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

Chiyambo 6:7

Viyo Ambuya anguti, “Ndisisitenge munthu yo ndalenga kumutuzga mu charu, munthu ndi nyama ndi vyakukwaŵa ndi viyuni vya mude, chifukwa nde wachitima kuti ndinguvichita.”

Jobu 14:4

Ndiyani wangato chinthu chakutowa mukati mu chinthu chakufipa? Palivi nanga njumoza.

Sumu 51:5

Ehe, mu kubende ndingulengeka, ndipo mu kwananga wangundizuwukiya ama.

Sumu 58:3

Ŵaheni ŵaranda kutuliya ku chibali, ŵaranda kutuliya ku kawi, ŵakamba mautesi.

Sumu 58:4

Ŵendi urwirwi nge mburwirwi wa njoka, ŵakozgana ndi nkhomi yakugota makutu,

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Chituwa 29:25

Pavuli mukavirondanga mu manja ghawo, ndi kuvyocha pa guŵa la sembe kusazgiyapo pa mpasku wakocha, nge nchafungu lakukondweska paurongo pa Ambuya, ndi mpasku wa moto ku Ambuya.

Nthanthi 20:9

Njani wangakamba, “Ndatozga mtima wangu; nde wakuphotoka ku uheni wangu”?

Wakutaula 7:20

Nadidi palivi munthu murunji pa charu chapasi yo wachita umampha ndi kuti walakwa cha.

Yesaya 47:12

Zikitizga kuma mu matera ghako mu ŵavyanisi ŵako ŵanandi, wo watakataka nawo kwamba ku usungwana wako; kokuli ungaziŵa kupunda pamwenga ukawofyanga.

Yesaya 47:15

Viyo ndimo ŵakaŵiyanga kwaku iwe ŵeniwo iwe watakataka nawo, ŵeniwo ŵachita nawe malonda kwamba ku ŵana ŵako; ŵayingayinga uku ndi uku we yose ko kwe khumbu lake; palivi nanga njumoza yo wangakutaska.

Yesaya 48:8

Mulivi kuvwapo, mulivi kuviziŵapo, kutuliya ku mwaka gutu linu lilivi kujurikapo. Pakuti ndinguziŵa kuti mwatinge muchitenge mwakupusika, ndi kuti kutuliya ku kawi mungudanika ŵachigaruka.

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Yesaya 65:6

Ehe, chikulembeka paurongo pangu; “Kuti ndikachetamanga cha ndikawerezgiyangapo, inya, ndikawerezgiyangapo mu chifuŵa chawo,

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Yeremiya 18:12

“Kweni iwo ŵatiti, ‘Palivi kanthu! Tikarondonga vyo tighanaghana taŵeni, ndipo we yose wakachitanga nge ndimo mtima wake uheni wangangamikiya.’

Yeremiya 8:6

Ine ndaphwere ndi kutegherezga, kweni kuti ŵakamba kwakurunjika cha; palivi munthu yo wang'anamuka ku uheni wake, kunena kuti, ‘Nchine cho ndachita?’ Munthu yose wawere ku nthowa yake, nge ndi kavalo wakuchimbiriya mu nkhondo.

Ezekiele 20:41

Nge ndi fungu lakukondweska ndikamurondiyaninga, nditakuti ndamutuzgani mu ŵamitundu, ndi kumuwunjikani kutuwa mu vyaru mo munguparghang'ikiya, mu maso gha mitundu ndikarongonga utuŵa wangu mukati mwinu.

ŴaLevi 1:13

Kweni vya mukati ndi marundi wakasukanga ndi maji. Ndipo mzukuru wakaperekanga vyose ndi kuvyocha pa jochero, ndi mpasku wakocha, mpasku wakupaskika wap moto, ndi mpasku wa fungu lakukondweska Ambuya.

ŴaLevi 1:17

Wakaparuwanga vipapiku vyake kweni kuti wayiphwatuwenge cha. Ndipo mzukuru wakayiwochanga pa jochero, pachanya pa nkhuni zo ze pa moto; ndi mpasku wakocha, mpasku wakuperekeka wapa moto, fungu lakukondweska Ambuya.”

ŴaLevi 1:9

kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

ŴaLevi 4:31

Mafuta ghake wakatuzgangamo uli ndimo mafuta ghatuzgikiyamo mu mpasku wa vyachimangu ndipo mzukuru wakawochanga gho pa jochero, kuŵa fungu lakukondweska Ambuya. Mzukuru wakaŵeyeriyanga iyo ndipo wakagowokelekiyanga.

ŴaLevi 8:28

Pavuli Mosese wanguvironda ku manja ghawo, wanguvyocha pa jochero pamoza ndi mpasku wakocha, kuŵa mpasku wakumikiya, fungu lakukondweska, mpasku wapa moto ku Ambuya.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

Yohane 3:6

Cho chapapikako ku nyama ndi nyama; ndipo chochapapikako ku Mzimu ndi mzimu.

ŴaRoma 1:21

Chifukwa pakumziŵa Chiuta ŵengavi kumkankhuska uli ndi Chiuta, chingana nkhuti ŵangumwonga cha; kweni ŵangupusa mu maghana-ghanu ghawo ndi mtima wawo wauzereza ungufipiskika,

ŴaRoma 3:23

chifukwa wose ŵakulakwa, ŵapereŵe pe unkhankhu waku Chiuta;

2 ŴaKorinte 2:15

Pakuti te chema chaku Kristu kwaku Chiuta, mu ŵakutaskika ndi mu ŵakutayika;

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

ŴaFilipi 4:18

Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’