Chiyambo 8:12 - Tonga Bible 1986

¹² Sono wangulindizgapo mazuŵa ghanyake ghankhonde ndi ghaŵi, ndi wangutuma njiŵa yiya; ndipo kuti yinguwere so kwaku iyo cha.

Chiyambo 8:12 Iomraidhean Croise

Chiyambo 8:10

Wangulindizgapo mazuŵa ghanyeke ghankhonde ndi ghaŵi ndipo wangutuma so njiŵa yo kutuwa mu ngaraŵa;

Chiyambo 8:11

ndipo njiŵa yinguwere kwaku iyo ndi mazulo, ndipo ehe, mu mlomo wake jani lake lakudompholeka la muti wa olive liŵisi, viyo Nowa wanguziŵa kuti maji ghatheruka pa charu.

Sumu 27:14

Lindizga Ambuya; uŵe wanthazi, khwima mtima; inya, lindizga Ambuya!

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.

Yesaya 30:18

Chifukwa cho Ambuya alindizga kuŵa namwe ndi wezi; ndicho chifukwa ŵatijikuzgiya kurongo lisungu paku imwe. Pakuti Ambuya ndi Chiuta wacheruzgu chirunji; mbakutumbikika wose wo ŵalindizga iwo.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

Yeremiya 48:28

Yisiyeni misumba, janinga mu majarawi, mwa ŵakuja mu Moabu mwe! Muŵe uli ndi njiŵa yo yizenga chivimbu, mu mphepete mu mlomo wa jarawi.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.