Chiyambo 48:1 - Tonga Bible 1986

¹ Pavuli paku ichi ŵangumunene Yosefe, “Ehe, ausu ŵatama,” viyo wanguruta ndi ŵana ŵake ŵanthurumi ŵaŵi, Manase ndi Efraimu.

Chiyambo 48:1 Iomraidhean Croise

Chiyambo 46:20

Ndipo kwaku Yosefe mu charu cha Egipiti ŵangupapika Manase ndi Efraimu, ŵeniwo Asenata, mwana munthukazi waku Potifara mzukuru waku Ono, wangumupapiya,

Chiyambo 48:2

Ndipo ŵangumunene Yakobe, “Mwana wako Yosefe waza kwako”; sono Yisraele wangujikhomeska ndi wanguja songa pa chita.

Chiyambo 48:5

Ndipo sono ŵana ŵako ŵanthurumi ŵaŵi wo ŵangupapika kwako mu charu cha Egipiti ndenga ndindaze ine kwako mu Egipiti, mbangu: Efraimu ndi Manase ŵakaŵanga ŵangu mwenimo ŵalili Rubene ndi Simeoni.

Chiyambo 50:23

Ndipo Yosefe wanguwona ŵana ŵaku Efraimu ŵamu mphapu ya chitatu; ŵana so ŵaku Makiri mwana munthurumi waku Manase wanguwiya pa makongono ghaku Yosefe.

2 ŴaKaronga 13:14

Sono Elisha wanguti watama ndi urwali wakumutole ku nyifwa, Yoashi karonga waku Yisraele wanguruta kwaku iyo, ndipo wanguliya paurongo pake, wakuti “Ada! Magareta ghaku Yisraele ndi ŵapakavalo ŵake!”

2 ŴaKaronga 13:20

Viyo Elisha wangufwa, ŵangumuŵika. Kweni tumabungwi twa ŵaMoabu twachitanga vivwamba mu charu cho mu nyengo ya chifuku ya chirisika.

Jobu 42:16

Pavuli paku ichi Jobu wanguja ndi umoyo virimika machumi pe chumi pachanya machumi ghanayi (140), wanguwona ŵana ŵake, ndi ŵana ŵa ŵana ŵake, ndiso fuku lake la chinayi.

Sumu 128:6

Uŵi ndi umoyo uwone ŵazuku ŵako! Chimangu chiŵiye Yisraele!

Yohane 11:3

Viyo ŵazichi wo ŵangutuma kwaku iyo, ŵakuti, “Ambuya bwezi linu lapa mtima watama.”

ŴaHebere 11:21

Ndi chivwanu Yakobe, wachifwa, wanguŵatumbika ŵana ŵaku Yosefe uyu ndi uyu; ndipo ŵangulambiya pa songu ya ndodu yake.

Yoswa 14:4

Chifukwa ŵina Yosefe ŵenga mafuku ghaŵi, laku Manase ndi Efraimu; pengavi chigaŵa cho chingupaskika ku ŵaLevi mu charu, kweni misumba pe yakujamo ndiyo ndi charu cha chipozwa cha ng'ombe zawo ndi usambasi wawo.