Chiyambo 4:26 - Tonga Bible 1986

²⁶ Kwaku Sete so kungupapika mwana munthurumi, ndipo wangudana zina lake Enoke. Pa nyengo yiya ŵanthu ŵangwamba kudana pa zina la Ambuya.

Chiyambo 4:26 Iomraidhean Croise

Chiyambo 12:8

Kutuwa pa wangundere ku phiri ku vuma kwa Betele, ndi wangujintha hema lake; Betele ku zambwe ndi Ai ku vuma ndipo pa wanguzenga jochero ku Ambuya ndipo wanguromba ku Ambuya.

Chiyambo 26:25

Viyo wanguzengapo jochero penipa ndi wanguromba Ambuya, ndi wangujintha hema lake penipa. Ndipo pa ŵaŵanda ŵaku Yisaki ŵangukumbapo chisima.

1 ŴaKaronga 18:24

Ndipo mudane pa zina laku chiuta winu, ine ndikadananga pa zina la Ambuya, ndipo Chiuta yo wamukenge ndi moto, ndiyo ndi Chiuta.” Ndipo ŵanthu wose ŵangwamuka kuti, “Ghakambika umampha.”

Sumu 116:17

Ndiperekenge kwaku imwe sembe za kuwonga, ndipo zina la Ambuya ndidanenge.

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”

Yesaya 48:1

Ivwa ichi, wa nyumba yaku Yakobe we, imwe mudanika ndi zina laku Yisraele, ndi imwe mungutuwa mu viunu vyake Yuda, imwe murapa pa zina la Ambuya, ndi kuzomera Chiuta waku Yisraele, kweni mu uneneska pamwenga kwakurunjika cha.

Yesaya 63:19

Taŵa ulaka ndi wo imwe mulivi kuŵawusapo, nge ndi wo ŵalivi kudanikapo kuti mbaku mwaŵeni.

Yeremiya 33:16

Mu mazuŵa ghenigha Yuda wakataskikanga ndi Yerusalemu wakajanga wakuvikiririka. Ndipo ili ndilo zina lo ŵakadanikanga nalo: ‘Ambuya mburunji widu.’

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Zefaniya 3:9

“Pa nyengo yo nding'anamuwenge karongororedu ka ŵanthu kuŵa kamampha, mwakuti wose ŵadanenge pa zina la Ambuya ndi kumuteŵete iyo ndi mtima umoza.

Luka 3:38

mwana waku Enose, mwana waku Seti, mwana waku Adamu, mwana waku Chiuta.

Machitidu gha Ŵakutumika 11:26

Ndipo wati wamsaniya, wangumtole ku Antoike. Ndipo kunguŵaŵiya kuti chirimika champhumphu ŵanguwungirana mu mpingu, ndi kusambizga mzinda ukuru: ndipo kuti ŵasambizi wo ŵangutamulika ŵaKristu danga mu Antoike.

Machitidu gha Ŵakutumika 2:21

ndipo kukaŵanga kuti yose yo wangadana zina la Mbuya, wakataskikanga.’

ŴaRoma 10:13

pakuti, “Mweniyo yose wadanenge pa zina la Ambuya, wakataskikanga.”

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.